卡洛斯三世

(从卡洛斯三世(西班牙)转戳到箇里)

卡洛斯三世(西班牙文:Carlos III,1716年1月20号-1788年10月24号),是18世纪西班牙波旁家族个成员,伊是费利佩五世个儿子,也是费利佩五世替伊拉第二个娘子个大儿子。年轻辰光,继承帕尔玛公爵个头衔,呒几年,因为欧洲王室协定个原因,畀人家调换领地,成为爻纳波利王国西西里王国个国王。到1759年,成为西班牙国王,之后一徑统治西班牙到1788年。伊欢喜开明专制,替點別个欧洲国家学习,富国强兵。立在表面浪让西班牙国力有一定个恢复。弗过在搭英国个各场战争裏,还是嘸任何优势。

Portrait of Charles III by Goya, 1786-1788.

内政方法 编辑

卡洛斯三世邪气欢喜启蒙裏向开明专制一套把戏,想做个,弗外乎是让西班牙个教会搭贵族进一步退出现实生活,來让自家掌握更大个影响力。结果,花头搞仔蛮多,实际效果并弗如然。

军事行为 编辑

立在七年战争当中,伊开始辰光自称中立,弗过,到1762年,为仔趁火打劫,宣布相帮法国作战。结果,畀英国人擔伊立在古巴菲律宾个要塞統統攻破,灰头土脸。但因为后首来条约个关系,竟然反过来收回城堡,还获得爻法国立在北美个大片土地。迭然伊愈加自我膨胀。到1776年,美国独立战争开始之后,伊貤追随自家在巴黎个亲眷,搭美国结盟,对抗英国。伊派军队对英国在自家境内个直布罗陀要塞进行围攻,弗过,结果比上趟还要推板,围攻爻一年多,自家伤亡惨重,就是打弗下来。但搭上趟也一样,因为巴黎条约个关系,竟然貤收回爻英国人占领个地中海岛屿。蓋咾反倒让伊立在西班牙本土获得爻蛮高个声望。

继任者 编辑