危地马拉内战
|
搿只文章个部分內容或者段落需要扩充，欢迎协助扩充来改善搿条条目或者段落。 更多个讯息可能会得勒拉讨论页或者扩充请求里向寻到。 欢迎扩充条目完成以后拿脱本模板。 |
危地马拉内战是1960年到1996年之间发生个一场战争。冲突双方分别是当时辰光个危地马拉当局以及交关左翼反叛组织，箇些反叛组织主要受到玛雅人以及拉丁裔农民个支持，箇些人亨八冷打全是穷人。勒勒战争当中，危地马拉当局被控犯下仔针对玛雅民族个屠杀罪，以及各种针对平民个反人权行动。
勒1944年至1951年之间个民主选举中，左翼政党上台执政。弗过，美国却支持卡洛斯·卡斯蒂里奥·阿尔马斯个政变，最后导致危地马拉出现老多年个独裁统治。1970年，危地马拉民主组织党赢得选举后上台，本来是应该执政到1982年个，结果一个叫埃弗来茵·里奥·蒙特个将军带领一班军官夺取仔权力。于是，当时个土著居民搭仔其他佃农就组成仔反抗力量，以反对长期以来对伊拉个政治经济压迫。最后勒勒80年代，军政府逐渐控制了整个国家，并建立起一套半机密个高效率社会管制体制。
当时辰光，斗争弗仅仅是勒勒军队搭仔反叛军之间，更是勒勒政府搭仔社会各个阶层之间。邪气多个土著权益争取者、反政府嫌疑人、归国难民、批判主义学者搭学生子，以及左倾个政治家等等，侪畀政府列为打击对象并成为牺牲者。因此危地马拉政府成为仔拉丁美洲头一只广泛使用“强制消失”手段来打压异己个政府，从1966年开始到战争结束，拨“强制消失”个人口数估计达到4万至5万个人。拢总估计有廿万人死于或“消失”于个记战争，大多数是由军队、警察搭仔高级官员造成个。
2009年，危地马拉高等法院宣判菲利普·古桑内罗为“强制消失”罪行个首要责任人。勒勒2013年，前总统埃弗来茵·里奥·蒙特拨控大屠杀罪。当时判决是让伊坐80年辰光个监牢，弗过由于法院程序违规，审判畀延后到2015年7月23号。
背景 编辑
社会架构 编辑
勒勒战争之前，危地马拉各社会阶层拨分为三只部分：
- 土生白人后裔阶层，该个阶层祖上来自于老早辰光从西班牙来到中美洲殖民者个后代，尽管大部分其实已经有交关混血。伊拉是当时辰光个上层阶级，掌握仔政治经济搭仔文化生活，是接受仔教育个阶层；
- 混血人种，该个阶层是由土生白人搭土著居民、外国移民等等混合而来，是社会里向个中产阶级，经营唠各式样个小商店、小企业，或是做下层官吏；
- 原住民，主要是占全国人口将近一半个玛雅人，当中又分两种：
- “莫索斯·科洛诺斯”，该类人勒嗨大农场里向拨分配仔小块土地个耕种权，每年要勒嗨个里工作某一段辰光；
- “莫索斯·豁纳雷洛斯”，该类人相当于是短雇工，按工作日脚拿铜钿。
该里向有桩物事要记牢脱：由于严重个债务盘剥，实际浪向佃农雇工们全是无没公平个工钿个，也是无没转换工作个种人身自由个。
乔治·乌比科个统治 编辑
1931年，独裁将军乔治·乌比科勒美国支持下上台。伊利用高效个管制手腕建立起中美洲历史浪向顶顶残酷个镇压体制。伊利用广布全国个眼线来拘捕并杀害异见人士。作为一只富商搭仔反共主义者，伊同联合水果公司、大地主搭城市精英站勒嗨一道，去压迫农民。1929年经济危机爆发后，外需不振，危地马拉个咖啡种植园经营勿落去唠，伊就开始推行债务奴隶制度，并通过法律来让地主可以自家处决奴隶。
乌比科将军勿单单是一只法西斯主义分子，更是一只种族主义分子，曾经针对土著居民发表过言辞激烈个说辞，讲该些“像动物个恁”个人需要通过军事化训练来“文明化”，就像“驯化驴子”个恁。伊将上万公顷个土地分拨联合水果公司，并且拨伊免税资格；伊还让美国大兵勒勒危地马拉驻军。伊常常拿自家搭拿破仑皇帝进行比较，并且勒嗨全国各个机关安插军队人员，对国家实行军事化管理，还经常到各地“视察”。
勒该种背景之下，中产阶级也开始勿满意，各种示威反抗接二连三出现，乌比科阵营内部也有分裂迹象。迫于压力，乌比科假意宣布勒1944年搞“大选”，随后操纵仔选举并立费德里科·邦赛·怀伊德斯为傀儡总统。此举进一步引发社会各界不满，政府搭军队内部也分裂仔。反对势力组织起来，当年10月，一只拨乌比科流放去萨尔瓦多个军官哈科布·阿尔本斯·古斯曼带领一群革命士兵搭学生发动政变。新政府成立后不就就宣布改革，扩大仔工人搭农民个权利，又于1952年通过法律宣布重新分配土地，直接威胁到大地主搭仔联合水果公司个利益。
个记，美国政府迅速命令中央情报局着手展开PBFORTUNE行动，要求清剿危地马拉个“共产主义叛乱”。危地马拉右翼军官卡洛斯·卡斯蒂里奥·阿尔马斯拨美国人选中并发动政变，终止唠改革。伊解散仔左翼政党搭团体，禁止组织工会，并将土地还拨联合水果公司以及地主。勒接下来个辰光里向，全国到处全是泛滥个种族主义歧视、剥削搭压迫，为内战个开头埋下基础。
过程 编辑
卡洛斯·卡斯蒂里奥·阿尔马斯发动政变过仔3年辰光，就拨伊自家个警卫射杀，动机弗清爽。后手米格尔·伊迪戈拉斯·弗恩特斯上台，继续高压统治。1960年11月13号，一群左翼军官发动政变，但弗过失败哉。一部分人拨处决，逃走个就跑去仔危地马拉东部个山林之中打游击，并得到古巴革命领导人菲德尔·卡斯特罗个支持。危地马拉内战正式拉开序幕。
1964年开始，政府军勒勒东部地区发动大规模攻势，企图剿灭左翼游击队。美国也弗断唠增加伊对危地马拉军政府个支援，并与965年派出美国特种部队进入危地马拉。但是个记战争注定是全民族性质个，勒勒危地马拉个广大城镇搭仔农村，每一片土地浪向全有对游击队满怀感激之情个人民，就连首都危地马拉城也弗例外。军政府为仔保护自家安全、监控全国局势，着手建立起总统情报机构，进行残酷镇压搭统治。勒勒数十年辰光里向，暗杀、屠杀、种族灭绝事件层出不穷，骇人听闻。而美国军事干预勒卡特政府上台之后被迫逐步撤出危地马拉，原因也是种族屠杀事件已经拨公之于众。