危地马拉历史
危地马拉历史源拉拉公元前18000到11000年人类拉此定居。拉哥伦布来到之前，托外界接触弗多个中美洲仍有文明弗断发展搭繁荣。拉公元前2000年到250年，玛雅文明拉中美洲个危地马拉占主导。
哥伦布前时代
编辑
早期来到中美洲个人们从事狩猎搭采集。辰光追溯到公元前6500年，拉高地个基切搭中美洲沿海海岸个发现可以证明箇些。
危地马拉个前哥伦布时代可分为前古典时期（从公元前2000年到公元250年），古典时期（250〜公元900年）搭后古典时期（900〜1500年）。
从4世纪到10世纪瓜地马拉个佩滕低地地区是玛雅文化个中心。箇个时期个特点是城市建设个扩大，独立城邦个发展，并与别样中美洲文化个接触。箇一直持续到约公元900年，古典玛雅文明个崩溃。玛雅人放弃了许多中央低地个城市或拉干旱导致个饥荒死亡。10世纪末低地地区个玛雅文化消失后拉中央高地地区仍然存在。
征服时代
编辑1524年西班牙人来到瓜地马拉，摧毁了当地个玛雅文化并开始殖民瓜地马拉。由于西班牙殖民者个消灭政策，几乎所有此前个玛雅书籍侪遭销毁殆尽，仅少数残存到今。
19世纪
编辑1821年9月15号瓜地马拉等中美洲国家宣布脱离西班牙统治。1824年到1839年瓜地马拉为中美洲联邦个一员，直到1840年瓜地马拉才完全独立。
1841年到1871年何塞·拉斐尔·卡雷拉·图尔西奥斯搭渠个之后个保守派人士组织瓜地马拉政府。渠拉为保护自身利益，试图保留殖民时期留下来个等级制度，并弗重视国家经济现代化。
1871年胡斯托·鲁菲诺·巴里奥斯·奥延个自由党政权开始执政到1944年国家才开始致力拉经济现代化。同时美国主导个联合果品公司也开始收购瓜地马拉大面积个咖啡搭香蕉庄园并介入瓜地马拉个政治。
20世纪初期
编辑美国联合果品公司（UFC）从1901年开始成为危地马拉个主要力量。挨时危地马拉个总统职位长期由曼努埃尔·埃斯特拉达·卡布雷拉搭豪尔赫·乌维科将军担任。拉20世纪30年代乌维科个独裁统治时期，渠鼓励外国投资，尤其是对联合果品公司扩大特殊照顾。
10年春天（1944年——1954年）
编辑1944年十月革命后前独裁者乌维科被推翻，瓜地马拉实行民主托言论自由，瓜地马拉史上第一部保护工人利益个法律生效，1950年到1954年执政个瑞士裔哈科沃·阿本斯（Jacobo Arbenz Guzmán）总统施行了土地改革。当时仅全国人口2%个大地主却佔有全国约70%个可耕地，而阿本斯开出土地改革个支票，承诺买下大地主持有个土地并重新分配给小农。阿本斯以此赢得选举，土地改革计画也立刻实行。针对拥有土地大于223英亩个地主，只要有未用拉生产个土地便要征收。最后从1059个农场征收了平均4300英亩个土地，约有十万名农民得到箇些土地个所有权。
1954年政变
编辑联合果品公司拉瓜地马拉拥有渠个最大个庄园，而且还拥有中美洲国际铁路公司搭瓜地马拉仅有个一个海港。拉联合果品公司个驱使下，美国外交部开始对瓜地马拉展开宣传战，以反共个名义打击阿本斯政权。中央情报局托瓜地马拉军队中个反对派合作，展开了所谓Operation PBSUCCESS个行动。1954年阿本斯政权被推翻，阿本斯总统流亡海外，卡斯蒂略·阿马斯成为新个独裁者。阿马斯新政府立刻废除前阿本斯政府所作个改革。1957年阿马斯被刺，讽刺个是渠个继承人是一个拉40年代独裁政府中就已经以渠个血腥出名个军人米格尔·伊迪戈拉斯·富恩特斯。
内战（1960年—1996年）
编辑弗满阿本斯政权被推翻个农民组织了一支游击队，开始托政府军展开长达36年个内战，直到1996年交战双方才签署一份和平条约，正式结束内战。箇场内战中约数十万人丧生，上百万人流离失所。瓜地马拉军队对原住民玛雅人个迫害近似种族灭绝，仅1982年9月里奥斯·蒙特当政时期就有9000位玛雅人惨遭杀害。1983年起瓜地马拉政府逐步减少迫害原住民，国家重启民主化历程，1985年重新举行大选。但全国人民贫富弗均个现象依然没法解决，今天仅佔1%个少数人却拥有瓜地马拉60%以上个可耕地搭财富。
1996年和平协定到今
编辑拉1999年11月7号，危地马拉举行个总统选举中，阿方索·波蒂略当选为总统。拉2007年总统选举中，中间偏左个阿尔瓦罗·科洛姆胜出。