原子论(英语:atomism,希腊语:ατομισμός atomismós ,梵文:अणुवाद aṇuvāda )是一种来古代传统当中发展出个一种自然哲学,来古希腊哲学古印度哲学佛教基督教回教当中全有出现。一般性原子论者认为自然世界由两只基本部分所构成:不可分割个原子跟空无个虚空(void)。

古代 编辑

希腊个原子论 编辑

公元前5世纪个辰光,卢息伯斯(Leucippus)撘仔渠个学生狄莫克里忒斯(Democritus)认定所有物质由细小弗可分个粒子 ——“原子”构成,来整合关于真实性个两种有冲突个思想学派:一种是赫拉克利特斯(Heraclitus)个思想,认定万物是永恒变动个,按照一定个尺度还有规律进行(也是逻各斯 (logos) 个最早概念);还有一种是巴門尼德斯(Parmenides),认定一切事物个多样性跟变化只是一种幻想(illusion)。狄莫克里忒斯接受巴門尼德斯个大部分观点,但是排斥了关于认定事物变化只是一种幻想昰种观点。佢觉著假使讲幻想存在,个麼需要去证明,否则变化就是真实个。因此,佢认同关于虚空个概念:虚空无穷无尽, 提供了原子可以以不同方式离合个空间。虚空当中聚合个不同可能性,造成了变化个外形以及有情众生通过色声香味触觉知个物体。

印度个原子论 编辑

古印度哲学跟宗教里向,胜论学派(梵文:Vaiśeṣika वैशॆषिक)跟正理派(梵文:Nyāya न्याय)也发展了类似狄莫克里忒斯个理论体系除此之外,耆那教也提到了类似原子个微子概念,早期佛教也有相类似个论述。另外,胜论派跟正理派还因此发展了各自个逻辑学

胜论学派跟正理派 编辑

胜论学派认为,真实(reality)由地气水火四部分组成。昰眼部分全是由微子paramāṇu परमाणु)跟复合物(composite)构成。每一个微子弗可分、弗可畀破坏,有一种特别个维度叫阿奴(梵文:aṇu अणु,意解“小”);而复合物可以畀分成交关微子。

正理派里向,乌达亚纳(Udayana)个正理花束(Nyaya-Kusumanjali)当中提出阿育姜那(梵文:Āyojanāt आयोजनात्,意解“来自组合”):原子弗活跃,为了生成物质,佢㐲必须组合。为了组合起来, 佢㐲必须运动,而运动必定依靠智能跟运动之源。既然讲已经认定物质,一眼有智能个源必定让弗活动个原子运动,昰个源是上帝。

耆那教个原子论 编辑

耆那教认为,补特伽罗 (梵文:Pudgala पुद्गल, 意解“物质”),即“能够聚合与分解的事物”,就是由微子(梵文:Paramāṇu परमाणु)构成个,本身不生不灭。

早期佛教个原子论 编辑

部派佛教当中个说一切有部(梵文:Sarvāstivāda सर्वास्तिवाद, 巴利文:Sabbatthivāda)也认同原子论,但是跟胜论学派弗同个是,微子是变化个。说一切有部个论著《阿毘達磨大毘婆沙論》(梵文:अभिधर्म महाविभाषाशास्त्र Abhidharma-mahāvibhāṣā-śāstra)记录到:

"微子是最小个色相(梵文:रूप rūpa),不可切分、不可穿透;无形、无色手香味触法。因此微子是构成所有色相最细小个单位。

中世纪 编辑

大乘佛教当中个原子论 编辑

大乘佛教瑜伽行唯识学派(梵文:योगाचार Yogācāra,来汉地发展成法相宗)个法称(梵文:Dharmakīrti,藏文: ཆོས་གྲགས་ chos grags / chö drak)跟陈那(梵文:दिग्नाग Dignāga ,藏文:ཕྱོགས་ཀྱི་གླང་པོ། phyogs kyi glang po / chok kyi langpo)认为原子细小、由能量产生而且非永恒存在。

基督教神学当中个原子论 编辑

寺舍学派(英文:Scholasticism,拉丁文:Scholastica )当中个尼古拉斯(法文: Nicholas d'Autrécourt,拉丁文: Nicolaus de Autricuria)认为,物质、空间跟时间全是由不可分割个原子,点还有瞬间组成个,箇眼物事个出现跟消失是通过物质原子个重新排列发生个。

伊斯兰教神学当中个原子论 编辑

艾什爾里学派(阿拉伯语:الأشعرية‎ al-ʾAšʿarīyya)认为真主每时每刻创造构成实体个“原子”,而物体是原子个结合。事物个“产生只不过是原子之间个结合,消灭只不过是原子之间个分离”。