司马光

司馬光（1019年11月17号－1086年10月11号），字君實，号迂叟。来勒宋真宗天禧三年十月十八号出生，宋哲宗元祐元年九月一日死脱，享壽66岁。伊是陕州夏县涑水乡（乃朝山西省夏縣）人，后势来定居洛阳。

司马光像

伊是北宋邪气有名个政治家、文学家替史学家，先后来勒仁宗、英宗、神宗、哲宗手下当过官僚。弗过，伊顶顶重要个贡献，还是闲居辰光，自家主持编纂中国历史浪第一部编年体通史《资治通鉴》。