同济大学

勒海中国上海个一只综合性个大学

同济大学中国个一只历史蛮悠久个学堂,现在是教育部直属个全国重点大学,还是“211工程”搭仔“985工程”个学堂。伊个建筑、土木工程、汽车等专业侪是邪气好个。

学堂里向个国立柱

同济顶早是德国医生Erich Paulun垃拉1907年建个,当时叫德文医学堂。第二年名字改成功同济德文医学堂。“同济”有“同舟共济”个意思垃里向,另外学堂同大多数人认为“同济”是德文单词Deutsch垃上海言话里向个谐音,必过并呒没查到相关资料。1910年学堂开设工科之后名字又改仔同济医工学堂。1917年变成华人个私立学堂,畀教育部直接管理,名字叫私立同济医工专门学校。后首来垃1923年改成功大学。1927年畀南京国民政府个教育部接手,成立国立同济大学,是中国顶顶早个七所国立大学之一。1937年开设理学院之后成为一只综合性个学堂。呆呆叫搿一年中国搭仔日本个战争开始了,葛末学堂只好搬到四川李庄去。后首到1946年个辰光回到上海。中华人民共和国成立之后,学堂又畀调整了老多趟数,2002年成为教育部985工程重点建设个高校。

外部链接 编辑

 
维基共享资源里向寻得着搭该篇文章搭界个多媒体资源: