吳越妖怪表

吳越妖怪表，畀許出自各許古籍、傳說（包括近代搭都市傳說）裡頭記在墶个吳越地區个妖怪列出來爻。

妖怪，是一隻集合名詞，指个是人嘸辦法理解个奇怪或者異常現象，或者是嘸辦法用科學解釋為何物會有導致箇許現象个有神秘力量个生物。箇詞語從日語个語境裡頭來，在吳語裡頭也好分作無數類別，包括妖、魔、鬼、怪、精、仙、靈等，有時候，許傳說个靈異現象也包括在裡頭个。

生物妖怪

一目五先生

也謳作五奇鬼，出自袁枚《子不語》卷九，浙中个一種五隻妖怪共用一隻眼睛个生物，佢讓人發瘟病，專門害著許弗善弗惡个人。

白魚江郎

出自《太平廣記》，餘姚一个白魚變成个江郎，搭大娘結婚之後，大娘生出魚子。

律畢香

出自《三冈識略》搭《清稗類鈔》，婺州搭徽州个一種有聲無形个鬼，會搭人講話，擅盜竊，還會姦淫有姿色个女人，便像是梦魇。

台州人魚

東漢楊孚《異物志》中央有寫，台州沿海有人魚，外型像人，一尺長，頭頸扗有氣孔呼氣，皮膚比鮫魚還利，甚至好割木頭。

落頭民

出自《搜神記》，秦朝个時候南方便有箇種人，佢侇謳自己「虫落」，孫吳朱桓有个婢女，睏去後，頭會自己飛去爻，有埭，佢頭飛出去个時候，佢同室女伴畀佢被蓋起，佢尋弗著脊身，最後朱桓救爻佢一命。

金華貓妖

也謳作貓魈，一隻迷惑人心个妖怪，碰女變美男子，碰男變美大娘，隨對象變形，類似西方个魅魔概念。佢由金華吸月亮精華貓修煉成。佢只能畀迷惑个對象望著，各許人是望弗著个，《貓苑·靈異》《夷堅支丁》《續子不語》《淥水亭雜識》等書有記。

青蚨

衢州三怪

《聊齋志異》裡頭个三隻妖怪。佢侇是獨角怪、白布怪搭鴨怪。獨角怪，住在鐘樓（在今鐘樓底街），夜勒望著人獨个走會走追，追到人氣絕身死，假使有人望著各許人畀獨角怪追，佢便會得病；白布怪，住在縣學池塘（在今縣學街）裡頭，搭塊白布樣，有人去捉，便會被纏牢脊身，帶進池塘里頭去；鴨怪，住在蛟池街（今蛟池街）裡頭，會在夜扗叫叫聲，人聽著佢聲，肚便痛死。

高褐

記在《太平廣記》个吳縣張君林个故事裡頭。高褐是一種女人樣子个鬼，鍾意喫甜，特別是糖梗。佢會幫人生火做飯。假使屋主囥一隻白罐在屋裡，佢還會在裡頭囥好物事。

空心鬼

出自《子不語》，是一隻倚在杭州人家大廳裡頭个人形鬼，從胸脯到肚都是透明个，邊扗有兩个穿青衣个僕人。佢會變成藥渣碗頭，畀病人个腸肺抽出來，讓佢死脫。

奇怪傳說

陸沉傳說

一種民間傳說類型，講个是一个宕地一記相陷進水體中央个故事，有時也包括一个宕地陷貤在各地浮出个情節。有石獅紅眼、懲戒亂倫、五娘尋夫等多種類型。通常都會講明一許道理。