哈拉雷

哈拉雷（英語：Harare，老底子叫索爾茲伯里，英語：Salisbury），津巴布韋首都。市區人口1600000，都會區人口2800000（2006年）。年降水量差弗多1000毫米，年均氣溫18℃。常年風涼得像煞春天，四季宜人。附近鉻礦搭金礦開採交關多。周邊是津巴布韋頂頂富庶個農牧業區。商業繁榮，農礦產品貿易甚盛，是世界頂大個菸草集散市場之一。有蠻大個捲菸、煉油、化肥、紡織等工廠，還有造紙、金屬加工、橡膠、食品、車輛修配等工業。交通中心。鐵路、公路通往境內各主要城鎮搭莫桑比克、博茨瓦納、南非。有國際航空站哈拉雷國際機場。有菸葉研究站搭大學、博物館、藝術館。歐洲式現代化城市，環境優美，布局整齊，多公園、綠地。市區個中南部是商業區，北部搭東部是高級住宅區，有一幢幢圍有樹籬，擁有花園、草坪搭游泳池個小別墅。有點豪華個俱樂部搭高爾夫球場等娛樂場所，穿插勒當中。西南部個哈拉雷區，房屋低矮，街道狹窄，是老底子殖民者劃畀黑人住個場化。