嘉興
嘉兴（吴语：[ka⁵⁵ɕĩ²¹]），垃拉中国长江三角洲地带，太湖东面，挨牢湖州、杭州、上海搭苏州，是浙江省个一个规模中等个城市，面积3915平方公里，人口555万（2022年）。地形基本上是平原搭仔钱塘江浜，顶顶有名个是嘉兴南湖。嘉兴历史上农业比较发达，是鱼米之乡。个几年，工业也有发展，弗过也因此有大量流动人口拥进来。
| 嘉兴市 | |
|---|---|
|
| |
 嘉兴市勒浙江省个地理位置 | |
| 概要 | |
| 国家 |
 中华人民共和国 |
| 省 | 浙江省 |
| 行政区类型 | 地级市 |
| 行政区划代码 | 330400 |
| 下级行政区数 - 市辖区 - 县 - 县级市 |
7 2 2 3 |
| 市长 | 李军 |
| 市委书记 | 陈伟 |
| 人大常委会主任 | 高玲慧 |
| 政协主席 | 陈利众 |
| 政府地址 | 南湖区广场路1号 |
| 地理 | |
| 经纬度 | 30°45′14″N 120°45′32″E |
| 总面积 | 3915平方公里 |
| - 占浙江省个比例 | 4.00% |
| - 排名 | 10 |
| - 水域 | 328平方公里 |
| 海拔 | 3.7米 |
| - 最高海拔 | 251.6米 |
| 东西宽度 | 92公里 |
| 南北长度 | 76公里 |
| 气候类型 | 亚热带季风气候 |
| 年均气温 | 15.9℃ |
| 年降水量 | 1168.6毫米 |
| 人口 | |
| 总人口（2020） | 5400868 |
| - 占浙江省个比例 | 8.4 % |
| - 排名 | 6 |
| - 市区人口（2020） | 131.7 万人 |
| 人口密度（2020） | 1379.53人/平方公里 |
| 地方言话 | 吴语嘉兴言话 |
| 经济 | |
| GDP（2022） | 6739.45 亿块人民币 |
| 人均GDP | 12.48万块人民币 |
| 人类发展指数（2016） | 0.787 |
| 其他 | |
| 时区 | 东八区（UTC+8:00） |
| 邮政编码 | 314000 |
| 电话号码 | +86 (0)573 |
| 车牌号码 | 浙F |
|
网站：www [1] | |
历史
编辑嘉兴是7000年前头新石器时代个马家浜文化个发源地，有吴根越角之称。秦朝辰光此地设立由拳县搭仔海盐县（属于会稽郡）。三国辰光，吴国增设盐官县。231年，吴国个孙权听人家讲由拳县有得野稻自家生出来，认为该个事体是吉兆，乃么拿由拳县改名叫禾兴，242年又改成功嘉兴。嘉兴个名字就是实个恁来个。
南北朝个辰光嘉兴继续发展，到隋朝，隋炀帝命令挖仔杭州经过嘉兴到镇江个大运河。
唐朝个辰光，嘉兴是苏州下底个一个县。唐天宝十年(公元751年)，嘉兴县个东境、海盐县个北境、搭仔昆山县个南境拼拼拢，拼成华亭县，嘉兴县个地方第一次变小来。
吴越国个辰光，吴越王钱镠生怕苏州被北面个吴国吞脱，就先分嘉兴县个北境六乡搭吴县一乡拼成吴江县，作为嘉兴搭苏州个缓冲。再析嘉兴县个西境为崇德县，实梗是为嘉兴独立以后辖县多。嘉兴从苏州独立以后，名字叫秀州，管嘉兴、崇德、海盐、华亭四个县。
北宋个辰光，嘉兴基本浪弗变，秀州归两浙路管；南宋个辰光，有一个皇帝垃嘉兴出生，嘉兴从秀州升为嘉兴府，乍浦、澉浦、青龙等港口个对外贸易交关发达，经济发展迅速。
元朝，嘉兴升为嘉兴路，归江浙行省，华亭县升为华亭府，后来改名松江府，一开始归嘉兴路管，老末来独立，实个恁，嘉兴路剩三县(嘉兴、崇德、海盐)。
明朝，嘉兴路改名嘉兴府，嘉兴府下辖三县变七县，其中嘉兴县东北析出嘉善县，西北析出秀水县；崇德县析出桐乡县，海盐县析出平湖县。到明代，嘉兴已经有“江东一大都会”个美誉。
中华民国为缩减官员，省搭县当中个府废脱，嘉兴县搭秀水县合并成嘉禾县，呒畀几许辰光，民国要求全国个县弗好有重名，重名个历史短个改名，嘉禾县就改回成嘉兴县。1937年11月5号畀日本人占领。
解放之后设立嘉兴地区，驻地来湖州。后头嘉兴湖州各归各。1983年嘉兴地级市成立。1985年嘉兴市区搭一部分个县拨划到长三角经济开放区里向，1988年嘉兴市全部成为经济开放区。
