四川北路公园

四川北路公园是一座来勒中国上海市虹口区四川北路街道四川北路1428号个绿地公园，2002年1月份动工，同年9月份造好开放，占地4.2万平方米。公园个东北角隔开虹口港是爱思儿童公园。公园是开放式绿地，全天24小时免费开放。

四川北路公园个石刻

公园设施

中共四大纪念馆

中共四大纪念馆来勒四川北路公园中央，2011年动工，2012年9月7号开馆。四大纪念馆跟中共一大、二大纪念馆一道是国家5A级旅游景区。

海派文化中心

海派文化中心来勒中共四大纪念馆建筑里向，由纪念馆运营，名义丄是独立个展览馆，2017年6月15号开放，是上海第一座叫“海派文化”个展览馆。

地下停车场

来勒公园地底下头，面积约15000平方米，有306隻车位。箇隻停车场畀上海市第一人民医院职工错峰共享停车。