圆明园
圆明园（old summer palace)是18世纪上半期，满清帝国个皇帝雍正帝立在北京西郊为自家修造个皇家园林。到伊个后代乾隆帝手当中，得到大规模扩建，成为清朝顶顶大个皇家园林。每年冬天，皇帝就基本蹲在此地办公。夏天就去避暑山庄，蹲在紫禁城个辰光就更加少哉。圆明园是三部分组成个，分别是：长春园、绮春园搭圆明园。18世纪当中阶段，乾隆还命令修造带有巴洛克风格个]大水法。
毁灭 编辑
第二趟鸦片战争当中，为惩罚满清咸丰帝对英国外交使团个胡暴行径，英法联军决定拿迭个宫殿毁脱。1860年10月5号，法国、英国人先后开始搬运园子当中个物品并公开掠夺。同时，本身守园个宦官、宫女也四散并带走交关宝贝。之后，因为场面混乱，开始失火，联军也朆抢救，扬长而去。个能，迭个满清皇帝寻欢作乐个场化，就烧脱大半哉。
1870年代，慈禧太后想重新修造此园，弗过因为财政吃紧，作罢，改成着重修复并扩建颐和园当成自家个夏宫。庚子之乱后，圆明园彻底荒芜，大部分残迹畀周边愚民搬走自用，遗址荒芜。
重视 编辑
圆明园乃朝畀当成西方列强殖民侵略中国个铁证，也是中国国族塑造当中个一副有用佐料，教科书当中侪要提到圆明园个事体，用来刺激学生对西方个反感，更加深自家个伤痕记忆。