在来线

在来线是日本个铁路用词，意思是除脱新干线以外个所有旧日本国有铁道／JR铁道搭仔各家民营铁路个线路。日文里向个「在来」（日本闲话：在来），好翻译成“一向、既有”，指个是全部用窄轨个旧日本国有铁道搭仔各家民营铁路用窄轨或者标准轨个既有线路，箇能介好同较晚造个、用标准轨个新干线做出区分。

日語表記
日語原文	在来線
假名	ざいらいせん
羅馬字	zairaisen

勒拉日本，在来线个特例有两种。一种，也就是大部分个特例，是同新干线好直通运行个迷你新干线。虽然迷你新干线个名字里向有“新干线”三個字，线路也用个是标准轨，但根据日本《全国新干线铁道整备法》个定义，伊拉还是在来线。另一個特例是拿新干线车辆当通勤列车用个博多南线。

并行在来线

同新干线一道並排跑个既有线路叫“并行在来线”，比方讲线路同东海道新干线并行个东海道本线。为咾减轻运营上个压力，JR会得拿一部分弗赚铜钿但是当地有出行需要个并行在来线交畀第三部门铁路来经营。