地铁站

地铁站是城市轨道交通系统（比方讲地铁、轻轨、单轨、捷运、中低速磁悬浮咾啥）个铁路车站。地铁站畀乘客买票、乘车服务，紧急情况下头也好做紧急疏散系统。

设施

地铁站来勒地面个出口浪常常会得标有箇家轨道交通系统公司个标识搭仔箇站个概要运营信息。一座地铁站通常会得有多隻出口，一般性好畀行人穿马路用。

路、站厅搭地铁站台當中一般性是用楼梯、隧道或人行天桥、自动扶梯、电梯连起来个。地铁车站来勒设计运营个辰光尽量会得优化乘车流线来减少过度拥挤，有些连接通道会得规定成单向通道，也有设置栏杆隔开人流个。一些地铁站个出口会直接跟周边个建筑物连起来。一些城市个地铁站出于安全原因，会得设置安全检查，有些歌安检区会得帮周边个建筑互认。

北京地铁宣武门站H出入口，地铁标志边浪标明车站名字搭途经线路 北京地铁宣武门站H出入口，地铁标志边浪标明车站名字搭途经线路  上海地铁江川路站，人行天桥拿车站搭地面连起来 上海地铁江川路站，人行天桥拿车站搭地面连起来  港鐵尖東站，跨幅較大个车站會得有电动步道 港鐵尖東站，跨幅較大个车站會得有电动步道  上海地铁虹口足球场站个换乘通道，用自动扶梯连起来 上海地铁虹口足球场站个换乘通道，用自动扶梯连起来

地铁站通常有售票搭验票系统。车站分成跟地面连勒一道个非付费区搭仔跟站台连起来个付费区。检票口让持有有效车票个乘客跨越区域走。检票闸门一般性用检测接触式或非接触式票卡个自动闸机 ，一些城市个闸机也有二维码扫描器支持手机移动支付。一些小型地铁系统呒没付费区，工作人员来勒列车车厢里向查票。

上海虹桥火车站站个语音卖票机 上海虹桥火车站站个语音卖票机  娄山关路站个三杆闸机 娄山关路站个三杆闸机  广州地铁站厅个出站闸机，有二维码扫描搭仔刷脸过闸功能 广州地铁站厅个出站闸机，有二维码扫描搭仔刷脸过闸功能

大多数国家或地区个相关法规规定，身障人士应改好来勒呒没协助个情况下头使用地铁。多数地铁站有导盲砖、斜坡、电梯、轮椅升降台咾啥个无障碍设施。此外，地铁站对紧急情况个疏散设施也有严格个要求，备用照明、紧急出口搭仔报警系统侪需要安装维护。当列车来勒隧道里向发生事故或者出现袭击事件个辰光，车站也是逃生到地面个必经之路之一。

臺北捷運大堂个闊閘機，畀身障人士、带大件行李者搭仔其他有需要个人用 臺北捷運大堂个闊閘機，畀身障人士、带大件行李者搭仔其他有需要个人用  北京地铁动物园站地面层个电梯亭 北京地铁动物园站地面层个电梯亭  北京地铁首经贸站付费区里向个电梯搭仔导盲砖，拿站厅搭各线路站台连起来 北京地铁首经贸站付费区里向个电梯搭仔导盲砖，拿站厅搭各线路站台连起来

一些地铁站可能会得提供额外设施，比方讲厕所间、问讯处、自动体外心脏去颤器、电话亭、自动售货机、自动取款机、商铺、快递柜、警察局咾啥个。

上海地铁人民广场站换乘通道里向个音乐角 上海地铁人民广场站换乘通道里向个音乐角  上海地铁曹杨路站里向开了家麦当劳 上海地铁曹杨路站里向开了家麦当劳

地铁站一些区域弗对乘客开放，箇些区域一般性弗是废弃脱或者预留个建筑结构，就是车站里向个运营设施，比方讲车站控制室、值班室、供电设备、储藏室咾啥个。