地震學是一門研究地震以及震波在地球內部傳播个學問,貤有研究其它由地震引起个現象,像海嘯,以及會引起地震个現象,向板塊運動、火山運動咾啥。

地震可以在地球內部引致地震波,通過觀察地震波在地球內部个傳導,我伲可以了解搭推斷出地球內部个結構搭構造。對地震波个研究頂早个結論之一是地球內部是液態个:縱波可以傳過地核,橫波無法通過地核,而橫波个傳播需要比較堅硬个媒介。乃朝科學家个認識是,地球个弗同深度狀態是弗同个,地核又好畀分成功固態个內核搭液態个外核,箇全是由地震學个研究得來个。

使用人工爆破所產生个地震波,研究者今朝可以探測地底下个石油貯藏、岩石結構、鹽礦、地層个結構搭畀埋沒个隕石坑咾啥。但是人工爆炸主要用在淺層个地質勘探,是通過反演算出震波傳遞个速度,分析後可得到地下可能藏有个地質結構搭物質分佈。

研究者現今可以研究地下數千公尺深个地質構造,像地幔中个對流層、岩漿腔,到地核个各向異性咾啥。透過對地震波个觀察,我伲乃歇還可以觀察到隕石墜入無人海域个過程搭核爆炸,近距離得可以偵測到車輛通過,甚至是人个腳步。

著名地震學家 编辑