外蒙古末,中国清朝搭民国时期行政区域划分,相对于“内蒙古”。伊个范围除脱今朝个蒙古国,还包括拨前苏联吞并个唐努乌梁海地区。首府为库伦(现在叫乌兰巴托)。

中华人民共和国(大陆地区)立场 编辑

中国共产党勒到执政前支持国民政府搭苏联签订《中苏友好同盟条约》。原因是苏联是中华人民共和国顶顶主要个援助者,而外蒙古已经勒事实浪脱离中国统治近三十年。中华人民共和国成立过脱呒得多少辰光,1949年10月16号搭蒙古人民共和国建交。1950年中国政府毛泽东主席访问苏联,勒签订《中苏友好同盟互助条约》个辰光承认蒙古人民共和国。1950年7月3号,毛泽东接受蒙古人民共和国首任驻华特命全权大使呈递个国书。1950年代,中国派遣工人到蒙古帮渠建设。

1953年斯大林过辈,赫鲁晓夫上台之后,苏联归还旅大军港搭东北铁路管理权,但是拒绝讨论外蒙古问题。蒙古人民共和国搭中华人民共和国交换地图,划定边界。1960年代中苏决裂初期,蒙古人民共和国想保持中立,但是后首来倒到苏联一海,拿大约匝7000名中国援助工人驱逐回中国。

1980年代中期,中蒙关系缓和。1990年,一个蒙古代表团28年来第一趟正式访问中国。1994年两国签订《中蒙友好互助条约》,表示互相尊重国家主权搭领土完整。

中华民国(台湾)当局立场 编辑

1953年2月24号,根据联合国通过个“控苏案”,中华民国(台湾)行政院废除“《中苏友好同盟条约》”,拒绝承认“蒙古人民共和国独立”个事实,宣布《联合国大会决议案505》是外交浪个重大胜利。根据“编印我国大陆地区地图注意事项”,一径到1998年版个中国全图,里向还有外蒙古地区,中国领土顶北界线为外蒙古北部个乌梁海盆地萨彦岭。中华民国(台湾)行政院原设有“部级”单位“蒙藏委员会”,管理“边政”。“蒙古特别行政区”首府仍为库伦。台北市仍有库伦街搭归绥街(呼和浩特),侪勒到北市西北大同区

2002年,中华民国(台湾)行政院搭中华民国立法院宣布“外蒙古”搭中国大陆分离,还勒修订个“编印我国大陆地区地图注意事项”当中要求弄国界线表示外蒙古搭中国大陆个边界,承认蒙古国独立现状。弗过,就算台湾搭蒙古个经贸关系勒近年有较大发展,外蒙古地区地位到现在还有弗清爽个户荡。

参见 编辑




中国中华民族蒙古族
蒙古 | 内蒙古 | 外蒙古 | 蒙古国 | 蒙古人种 | 蒙古语
蒙古帝国 | 元朝 | 成吉思汗 | 忽必烈 | 外蒙古独立