大别山是东亚长江北面，分开江淮地区搭江汉地区、中原地区个边界山脉，横跨乃朝中华人民共和国境内个安徽省、湖北省搭河南省。大别山西面搭桐柏山挨牢，东面个延伸包括天柱山，张八岭。迭个山脉弗是老高，一般海拔立在500米到800米当中。大别山也是长江搭淮河个分水岭，历朝历代交关流寇土匪立在此地占山为王，造成社会问题。1947年，中国共产党中原野战军立在刘伯承、邓小平领导下，也进军此地，创设根据地。
