大英帝國

(从大英帝国转戳到箇里)

大英帝國(British Empire)是英国立在大航海时代之后,逐渐依靠自家个能力,建立起个全球性殖民帝国。一般拿大英帝国分成两个阶段,以美国独立战争作为界限。立在第一个阶段,英国赋予殖民地蛮大个自主权,让东印度公司或者西印度公司,以及移民自家管理当地政府。立在拿破仑战争之后,英国成为世界超一流强权,对外扩张开始走官僚化道路。并依靠对南亚次大陆个控制,获得空前个殖民资本。19世纪挨末阶段,英国控制世界浪四分之一个土地,领地遍布七个大洲。英国移民进入本身原住民比较少个加拿大澳洲新西兰,拿当地变成盎格鲁-撒克逊国家。同时,拿英国先进个制度散播到交关地方,并极大开发东南亚南亚个基础设施。第一次世界大战之后,英国更兼并原先德意志帝国奥斯曼帝国个交关殖民地。弗过,国力已经开始下降。第二次世界大战之后,英国对控制介大殖民地力不从心。1947年,英属印度分别以巴基斯坦印度个名号独立。英王丧失印度帝国皇帝个头衔。大英帝国寿终正寝。之后,逐渐改组成英联邦

曾经被大英帝国统治过的地区(時間交錯)