大通公园

大通公园，勒拉日本北海道札幌市中央区。伊是一個拿札幌市中心横过来隔开个公园，从中央区大通西一丁目到大通西十二丁目拢总长1.5公里。根据大通公园勒拉1980年6月6号贴出个告示，伊个整体面积约码子有78,901平方米。

从札幌电视塔俯视大通公园

大通公园个地大致好分成商业用地、风景区搭都市景观地区。

箇面还勒拉2020年夏季奥林匹克运动会田径比赛当中个马拉松搭竞走项目里向作起点搭仔终点。

公园个位置

大通公园勒拉札幌市中部，长唻像棋盘一样。附近地区通通拿大通公园当作中心点，按照方位搭街道序号作名字，譬如“北十七条东五丁目”、“南九条西十五丁目”。区分东西个标准是创成川，区分南北个标准就是箇个大通公园，伊个南北就是所谓个“大通”，分别叫“北大通”搭仔“南大通”，车辆侪拉嘿箇两条路高头朝东西方向开。大通公园作为中央分离带，伊阔65米。

历史

历史浪，箇面曾经做过隔离带、兵营、垃圾场、农田等等，还曾经规划过要造房子。1876年个辰光，勒拉大通西三丁目搭四丁目箇面造了座约码6600平方米个花坛。到1909年，当地政府请著名个花园设计师长冈安平重新整理箇片花坛，箇就是大通公园个前身。

1950年，札幌市政府展开公园重整计划，箇就是现在个大通公园。

外部链接

维基共享资源里向寻得着搭该篇文章搭界个多媒体资源：

大通公园

• 日本大通公園介紹網站（日語版本）
• 日本大通公園介紹網站（中文版本）
• 關於大通公園的地理介紹 档案，存勒互联网档案馆当中。（2019年11月7号）*大通公園（札幌市公園綠化協會）
• 札幌市公園檢索系統 档案，存勒互联网档案馆当中。（2020年8月14号）
• 札幌市環境局推進部 档案，存勒互联网档案馆当中。（2021年1月29号）