太阁征朝

太阁征朝，（西班牙文：Invasiones japonesas de Corea 日文：文禄・慶長の役）是1592年到1598年当中，因为日本战国枭雄丰臣秀吉个野心引发个一系列战争行为。1590年代开始辰光，基本弹压各封建大名个天下人丰臣秀吉开始对东亚大陆产生野心搭愿景。1592年，正式从自家个名护屋城基地，派遣交交关关大名个封建军队，出兵进攻朝鲜王朝，想拿朝鲜半岛作为跳板，接下来，对大一统帝国明朝进行进攻。开始辰光，日本封建军队进展快速，弗过立在明朝派兵之后，因为各地朝鲜人个反抗搭补给跟弗上，开始吃力。到1593年，实质进入停战阶段。1597年，谈判失败，继续开打。因为李舜臣等人立在海军高头让日本人吃亏，箇趟也无大斩获。弗过，明帝国个三路进军也畀日军击溃。1598年，丰臣秀吉死脱，日本军队纷纷返回日本。战争结束。