夫差
夫差，又称吴王夫差，春秋吴国末代国君，阖闾个倪子，汉族，前495年─前473年在位。前494年勒夫椒打败越国，攻破越都（今朝浙江绍兴），让越国屈服。从此以后，又勒艾陵（今朝山东泰安）打败齐国。前482年，勒黄池（今朝河南封丘西南）大会诸侯，搭晋争霸，正好碰着晋室内乱，夫差得着之霸主地位。连年个兴师动众，造成国力空虚。勾践弗忘会稽之耻，国力逐渐恢复。趁夫差率精锐赴黄池之会、只有太子搭老弱留守个机会，越军乘虚而入，杀脱之吴太子。夫差匆匆赶回搭越议和。吴长期穷兵黩武，民力凋敝，难以搭越抗衡。前473年，越再次兴兵，吴国畀灭脱，夫差自杀。
简介
编辑夫差（？－前473年），姬姓，春秋个辰光吴国第廿五个君主，前495年—前473年在位。为之帮俚个爷阖闾报仇，夫差励精图治，吴国国力也迅速增强。夫差二年（前494年），勒夫椒（今朝苏州西南太湖中）打败越王勾践。胜利后，勾践卑躬屈膝，夫差动之慈心，让勾践回越国。夫差个大臣伍子胥反对释放勾践，夫差就赐死伍子胥。
但事实浪就像伍子胥想个搿浪，勾践只是表面浪臣服夫差。勾践勒越国卧薪尝胆，迅速恢复越国国力，图谋报复。前486年，夫差勒邗（今朝江苏扬州附近）筑城，又开凿邗沟，连结之长江、淮河，勒艾陵之战当中消灭脱10万齐军。前482年，夫差勒黄池（今朝河南封丘西南）会盟诸侯，搭晋争霸获胜。但不过夫差让太子友搭老弱守国，勾践乘虚而入，大败吴师、杀太子友。
夫差二十三年（前473年），都城姑苏（今苏州）畀勾践兴兵攻破，夫差畀围困勒吴都西面个姑苏山浪，吴国灭亡，而夫差也畀勾践流放，最后自杀身亡。
日本《新撰姓氏录》松野一族认为自家出自夫差。
相关文物
编辑吴王夫差盉
吴王夫差铍
亲眷
编辑子
编辑太子友，前482年，勾践乘虚而入，大败吴师、太子友被杀。
王子地
孙
编辑王孙弥庸
王孙寿
妃
编辑西施