头桥街道（上海市）

头桥街道来勒上海市奉贤区，是从奉城镇里向重新设立个街道，2024年7月26号成立。

历史

头桥箇块地方，老底子叫伊“头梁”。元朝后期，当地出现集镇，因为集镇西面个部桥叫“头桥”，故咾叫箇只名字。

1949年10月份，设头桥乡。1959年，改设人民公社。改革开放以後，重新设立头桥乡。1994年撤乡设镇，改成头桥镇。2003年，撤销头桥镇、原奉城镇，设立奉城镇。

2019年10月份，奉贤区人民政府设立城投企业上海头桥发展（集团）有限公司。2020年1月份，头桥集团开始参与原头桥镇地区个治理，头桥地区实际上已经完全从奉城镇独立出去哉。

2024年1月份，头桥街道开始筹备。2024年7月份，根据《上海市人民政府关于同意设立奉贤区头桥街道办事处的批复》（沪府〔2024〕42号），恢复设立奉贤区头桥街道办事处。行政区域范围东到四团镇小荡村、大桥村、长堰村村界，南到奉城镇洪东村、洪西村、白衣聚村、北门村、八字村、路口村村界，西到青村镇西吴村搭金汇镇梁典村、资福村、墩头村村界，北到界河港，街道办事处驻地来勒头桥中路105弄18号。