奉化区

奉化区末，當地吳語國際音標/vɜŋhu̯o/，寧波个一个区，西靠四明山，東臨象山灣，以好風景而出名。像是雪竇山，上頭个雪竇寺是千年古刹，是晉朝開始造个，勒佛教禪宗裏向地位邪氣高。還有蔣介石个老家，也勒奉化（溪口鎮）。個了奉化是一個人傑地靈个場許，最近奉化区个溪口鎮成爲國家級五星級風景區。奉化閒話搭茲寧波市區閒話有一定區別（譬如奉化个“我”搭“餓”同音，弗搭“瓦”同音），但是互相還是好交流个。