妃嫔
妃嫔是指君主经过册封个妾室，有得嫔妃、嫔御咾啥别称，广义好包括君主所有妾室。除脱欧洲基督教国家，大多数古代国家侪实行一夫多妻制，君主拥有众多妻妾极其常见。
中国
编辑中国妃嫔制度明确记载始见于《周礼》。周天子正室为王后，以下为妃嫔，包括三夫人、九嫔、廿七世妇、八十一御妻。历朝妃嫔制度搭位号变化不小，同一位号来拉不同时代，实际地位也有差异。妃嫔位号顶多个时代是北齐，当中廿七世妇、八十一御女每个侪有不同个位号。
明清两代因为有得档案留存，对于皇帝妃嫔人数有较为全面个了解。嘉靖帝搭康熙帝分别是明清两代拥有妃嫔顶多个皇帝。嘉靖帝除脱四位皇后，正式册封个妃嫔有得毛七十个人。相对皇后来讲，史书一般老难拿人数众多个妃嫔记全。明孝宗则朆册封妃嫔，是中国历史上少见个一帝一后。
日本
编辑日本从飞鸟时代到平安时代前期，天皇除脱皇后，还有妃、夫人、嫔三等妃嫔。
平安时代中期，妃、夫人、嫔三隻位号名存实亡。开始代以：女御、更衣、尚侍、典侍、掌侍、命妇。