孔庙

孔庙，一般也叫做文庙，是崇拜儒教祖宗孔丘个场化。因为大一统王朝对孔子个推崇，孔庙立在后势来个历史当中慢慢普及到帝国个各个区域。到明清辰光，因为科举制度个关系，一般只要有一个县城，就必定有一个孔庙。弗过，立在1900年代之后，孔庙搭儒教一道失去官方地位，开始破败，立在1949年之后又遭受蛮多动荡，交关孔庙畀拆脱。乃朝，中国留下来个孔庙已经弗多哉，个当中，比较有名个孔庙是曲阜孔庙、北京孔庙、南京夫子庙等。

长沙岳麓书院文庙内

吴越孔庙

吴越地区因为明朝搭满清帝国辰光文教发达，孔庙也是老多个，乃朝留存个包括嘉定孔庙、上海文庙、苏州文庙、杭州孔庙、江阴文庙等。属于江淮文化区域个南京夫子庙，因为历史原因，搭吴越也有蛮深刻个渊源。