宇喜多秀家
宇喜多秀家（日文：宇喜多 秀家／うきた ひでいえ Ukita Hideie，1572年－1655年12月17号）是16世纪日本个有名封建主，五大老之一，关原合战失败之后，流放到海外孤岛度过人生。
生平
编辑伊本身是备前国个大名宇喜多直家拉儿子，但小辰光就畀伊拉爷送到织田信长手底下当人质。伊9岁个辰光，爷故脱。朝后，根据织田信长个安排，伊重返宇喜多家继承家督，并成为仔羽柴秀吉个养子，得到信任搭培养，先后参加过九州征伐搭仔小田原征伐。
1590年代，元服个秀家，听仔丰臣秀吉个命令，到朝鲜半岛，搭明帝国个军队相战，并担任在拉朝鲜日本军队个总大将。在拉碧蹄馆之战当中，伊担任后阵本队总大将，搭先锋队总大将小早川隆景联手设伏，让李如松个军队陷入埋伏当中，末脚明军只好跑脱。迭个功绩也让伊晋升从三位中纳言。之后，1597年个庆长之役伊也参仔战，率seh，音近失左军攻略南原城，在拉全罗道、忠清道地区奋战。后手来，伊修造顺天倭城。翌年庆长3年（1598年），成为五大老之一，迭歇伊只有廿六岁，是五大老当中顶后生个。
弗过也是因为忒嫌后生，伊压弗牢自家个家臣：丰臣秀吉故脱之后，伊拉家臣开始骚动。尽管后手来还是平息下来哉，但也因此丧失脱仔交关军队搭重臣。尽管个能，在拉之后石田三成组织对抗老乌龟德川家康个战争当中，伊还是顶积极、派出顶多军队个。在拉关原合战当日，宇喜多秀家个军队，占据西军实际参战军队个三分之一左右；但因为小早川秀秋叛变，西军着末还是败脱，宇喜多秀家跑到旁边山里向，本生准定要畀老乌龟杀脱，后手来因为别人求情，乃么改成功流放到海外孤岛。个能，伊就再也弗曾回到过日本本土，半个世纪横里之后，在拉小笠原群岛故脱。