宗谷岬

宗谷岬（日文：宗谷岬／そうやみさき ^Sōyamisaki）是勒拉日本北海道稚内市个海岬，因为伊箇面有“日本最北端之地”箇块石碑而出名。

“日本最北端之地”石碑

地名个由来

箇个地方勒拉阿伊努语里向叫「ノテトゥ」（notetu），意思就是海岬。

“宗谷”箇个名字倒是从阿伊努语里个“so-ya”（意思是岩石海岸）变化过来个。

地理

宗谷岬地区有弗少叫“最北”个店

宗谷岬北边是连接日本海搭仔鄂霍次克海个宗谷海峡，同目前畀俄罗斯萨哈林州管个库页岛就隔拉只宗谷海峡，距离最短个地方只有43公里。

“日本最北端之地”

宗谷岬地区顶顶有名个地标，是造拉海岬顶北面一小块填海陆地浪个“日本最北端之地”纪念碑（日本最北端の地の碑）。纪念碑是一个造拉圆形平台上、总高4.53米个三角形建筑物。天好个辰光好从纪念碑迭头看到萨哈林州个陆地。

伊是目前日本顶北面个陆地，故咾周围还有一系列拿日本顶北面当主题个项设施，比方讲日本顶北面个商店（柏屋）、顶北面个餐厅（食堂“最北端”）、顶北面个民宿（最北之宿）、顶北面个邮筒、顶北面个公共厕所，还有会勒拉加油以后送张“日本顶北面加油证明”个顶北面个加油站（出光石油大岬集落分站）。

交通

唯一去宗谷岬个大众运输工具是从稚内站个公交总站出发，乘宗谷巴士个公交车，要乘将近31公里。老底子只好乘每天5对个10号线，经南稚内站、潮见、声问、曲渕、再到宗谷岬。2012年7月1号，伊同长途巴士“天北线”合并成新个长途巴士“天北宗谷岬线”，班次增加到7对，亦改走快速公路，路浪花脱个辰光缩短仔弗少。

外部链接

维基共享资源里向寻得着搭该篇文章搭界个多媒体资源：

宗谷岬

• (日文)稚内市政府官方网站 档案，存勒互联网档案馆当中。（2005年10月30号）
• (日文)宗谷岬介紹頁（稚內社區網路） 档案，存勒互联网档案馆当中。（2006年11月12号）