宫岛摆渡

宫岛摆渡（日文：宮島連絡船／みやじまれんらくせん^{miyajima renrakusen}），又叫宫岛渡轮，是一条由西日本旅客铁道（JR西日本）全资子公司JR西日本宫岛渡轮开行个摆渡船，负责拿本州岛本土同濑户内海浪只严岛（又叫宫岛）连拉一道。宫岛摆渡弗仅是岛浪老百姓主要个进出交通线，还是交交关关游客去参观“日本三景”之一个“安艺之宫岛”同严岛神社出名个海上大鸟居个主要通道。摆渡个正式路线名字是宫岛航路，但伊同火车航路弗一样，是单纯只好运人同车子个一般摆渡，从来就呒没实际进行过接驳铁路列车。