小熊猫

小熊猫亦名字红熊猫，英文里向也讲 firefox （中文翻译成「火狐」），渠是一种哺乳动物，生活勒中国南方到喜马拉雅山麓。属于食肉目、小熊猫科。渠到底是熊科还是浣熊科，多年以来一直有争论，不过目前通过基因分析，认为渠同美洲大陆个浣熊亲緣关係最接近，应该单独列成小熊猫科。

特徵

小熊猫个长头有 50 ~ 60 厘米， 3 ~ 5 公斤重，身体軀毛为栗色，四肢搭腹有乌毛，面部白色花纹弗搭大熊猫样明显，但是前脚爪根骨个一部分突出成手节头样，也好当第 6 只手节头把物事，个点搭大熊猫样。

小熊貓爬樹

食物果实、根、笋、栓皮櫟、昆虫等为主。中意夜行，日里困勒树上。交尾期为 1 ~ 3 月，5 ~ 7 月生育，一胎一般有 1 ~ 4 只仔。幼仔 5 個月光景摘奶，18 ~ 20 個月性成熟。

目前由于森林砍伐许缘故，野生栖息地萎缩，造成数量明显减少，根据估计可能 5000 只也弗到。小熊猫已经列入IUCN红色名录个濒危级別，以及勒华盛顿公约个附录一度列成严格禁止交易。