尼子经久（1458年12月25号－1541年11月30号），日本战国辰光，中国地方个出云国大名。尼子清定个嫡子，小辰光叫又四郎，1478年尼子清定隐退后，担当尼子氏个家督，成为出云守护代。1484年曾畀赶出居城，弗过，到1486年重新夺回月山富田城，随后,伊平定出云国并向周边地区扩展势力。强盛辰光，尼子经久个势力曾影响到出云、隐岐、伯耆、因幡、石见、安艺、备前、备中、备后、美作、播磨11个令制国，所以，伊也畀后世叫做阴阳一太守。
尼子经久绰号云州之狼，擅长谋略，伊个下克上经历替毛利元就、宇喜多直家相似，也畀并称为“中国三大谋将”
