岳灵珊

岳灵珊是吴越小说家金庸作品《笑傲江湖》当中个主要人物之一。伊是华山派掌门岳不群搭宁中则个女儿。从小搭令狐冲长大，对令狐冲有感情。弗过，到后势来移情别恋，欢喜上林平之，并搭林平之结婚。迭个事体，让令狐冲邪气伤心难过，并成为小说后势来蛮多章节个桥段。弗过，因为林平之为报屋里个灭门家仇，得到辟邪剑谱之后，立在结婚之前就自家自宫。所以，岳灵珊并嘸有搭林平之实质意义高头个夫妻关系。立在岳不群挑战左冷禅个嵩山大会高头，岳灵珊用伊爸爸交伊个克制五岳剑派个方法出战，使诈拿令狐冲等人做脱。为伊爸爸扫平道路。弗过，后来伊就去跟牢林平之向余沧海搭木高峰复仇，结果，林平之立在杀脱仇家之后，跟从劳德诺去投靠嵩山派，走之前，拿岳灵珊杀脱。