崇厚
崇厚（1826年10月7号－1893年3月26号），完颜氏，字地山，号子谦、鹤槎，满洲贵族出身，19世纪清帝国有名个外交人物。
生平
编辑出生权贵
编辑崇厚屋里条件邪气优越，伊个爸爸是河道总督麟庆，祖上是金世宗后代，爸爸搭阿哥还会读书做题，侪考取进士。弗过，崇厚自家读书能力相对比较一般，先后参加过三趟乡试，在拉于道光廿九年（1849年）中举，但会试不遇，只好通过捐钞票个方式，买到一个官衔，并用家族势力一路为自家开路。一开始担任一眼普通职位，包括甘肃阶州直隶州知州。咸丰年间依靠爸爸关系，当永定河道。
辗转转运
编辑崇厚命运转变，是第二趟鸦片战争辰光发生个。咸丰十年（1860年），伊任长芦盐运使，负责盐政。咸丰十一年（1861年）就改否当负责对外个三口通商大臣，开始做洋务。
同治元年（1862年）十二月，兵部左侍郎署直隶总督至刘长佑赴任。同治六年（1867年），伊创建北洋机器局。同治九年（1870年），发生天津教案，伊担任全权大使，跑到法国谢罪。箇也是晚清头几趟直接派钦差官员到欧洲进行有目的个外交活动。
入狱革职
编辑1878年（光绪四年），崇厚出使俄国，个过程当中，伊畀罗刹人白相，同俄国人签订《里瓦几亚条约》，因为内容对清帝国邪气弗好，回来之后畀交关清流捉牢把柄攻击弹劾，最后入狱革职。弗过，因为俄国人帮伊求情，最后还是放出来。光绪十九年两月初九号（1893年3月26日），在拉北京旧宅死脱。