巩金瓯
《巩金瓯》是中国第一首法定个国歌，勒1911年（清宣统三年）10月4号（即武昌起义面前六日）拨满清政府正式确定。伊是当时宪法内容一个部分。
作词：严复
编曲：溥侗
修订：郭曾炘
歌词
编辑
|
|
历史
编辑回顾历史，中国勒清代以前，闭关锁国，对外交往弗多，也就呒拨国歌。大清驻英国公使曾纪泽勒出使期间，伊看到西方国家勒公共礼仪场合里向侪演奏国歌，有交关感触，觉得清帝国也应有本身个国歌，因此特地上奏并呈仔一部“国乐草案”，必过呒拨得到批准。
光绪三十二年（1906年）大清帝国陆军部成立，谱制仔一首陆军军歌，并在正式国歌“巩金瓯”未出前，暂成为清朝代国歌。每当在国际交往中需要演奏国歌个辰光，侪使用该首军歌代替。到仔1911年，清帝国正式制订出国歌“巩金瓯”。必过该首歌词是文言文，平头老百姓交关难弄懂里头个义思。接续清代个中华民国也一直否认《巩金瓯》曾经是国歌。