平凡
《平凡》（日文：平凡，假名：へいぼん）是二葉亭四迷个小說，在1907年（明治40年）連載在《東京朝日新聞》丄。是繼《浮雲》搭《其面影》後首二葉亭个第三部長篇小說，作品裏勢有交關對當時辰光自然主義文學个諷刺。
故事概要
编辑昰歇39歲个「我」原本是文士，乃朝是變成功著下級官吏哉。忖起老早个日腳，便從小辰光个事體開始寫。弗過，茲時在文壇个老朋友來望我，話著文學論咾、文壇逸聞咾、寫作忠告咾排交關無勁个事體，「我」覺著，聽昰排事幹，還弗及聽爺孃个一句「身體當心」。蓋咾貤立時轉入對爺孃搭之小辰光養个狗點點（日文：ポチ）个描寫。一徑寫到點點畀殺慝，其後羅列著一連串像煞高尚个講法，卻情後首貤話該全科是亂話三千，覺著所有人統統像煞是殺狗个。昰个一段文字，常莊畀日本个教科書引用。之後筆鋒一轉，寫中學畢業，到東京去讀法律个辰光受著文學影響，覺著賣力做生活个人全戇來要死。雖話成功作銷路邪好，但自家沈溺在女人裏向，齊巧昰歇爺老頭子生病，極呴呴𧾎歸去，末腳還是來弗洎哉。「我」總算畀爺个過世驚醒，領牢孃一淘上京，退出著文壇，尋著昰份生活並一徑做到乃。
外部鏈接
编辑- 平凡-青空文庫