广东梅大高速路面塌方灾害

广东梅大高速路面塌方灾害，指个是2024年5月1号凌晨2点10分左右，勒拉广东省梅州市大埔县梅龙高速公路（梅大高速段）K11.9茶阳路段发生个一起路面坍脱个事体。截至5月2号14点钟，事体造成23部车子落下去，48人死脱，30人受伤。

事故发生现场个照片

背景

路段

梅大高速是梅州市境内拿梅江区同大埔县连拉一道个高速公路。箇趟事故发生个路段是梅大高速二期搭仔东延线，是2014年12月31号通车个，项目建设方搭仔运营方侪是广东交通集团下头个公司。

营运管理方广东大潮高速公路有限公司曾经涉及多起合同纠纷案。

2023年4月1号，梅大高速也因为落大雨发生坍塌，箇段双向交通中断，呒啥人受伤咾啥个，到5月9号24点纔全线恢复通行。

天气

事故发生前几日天，广东持续遭受强降雨。当天，广东多地发出气象灾害预警信号。据统计，截止5月1号8点19分，全省拢总挂拉41個暴雨预警信号、48個雷雨大风预警信号、5個冰雹橙色预警信号。

4月以来梅州出现多轮个强降雨，超越历史记录。4月1号到4月30号，大埔县降雨量628.2毫米，比常年平均228.4毫米多2.75倍。据气象监测显示，4月30号8点钟到5月1号8点钟，梅州大埔县落暴雨，全县平均降雨量48.9毫米，最大降雨量66.1毫米。

广东省交通运输厅官网勒拉4月30号发过条消息，讲持续性强降雨导致广东部分地区高速公路、普通国省道损伤脱哉。

受灾情况

公路塌方路面长约莫17.9米，面积约莫184.3平方米。

到5月2日14点钟，发现23部车子跌下去，死脱48個人，30人受伤。大部分车子埋拉土里向，有些烧脱。伤员主要是骨伤、颅脑外伤、肺挫伤，28人来勒梅州市人民医院救治，2名送到大埔县人民医院住院治疗。

处理

梅州市政府来勒新闻发布会丄默哀个相

5月1号当天，广东省、梅州市成立事故救援现场指挥部，公安、应急、消防、卫健、交通、矿山救护队咾啥个拢总500多人参与现场救援。中共广东省委书记黄坤明做出指示安排，省长王伟中赶到灾害现场，实地指挥一线个生活，成立灾害调查评估组。

5月2号，中共中央总书记、中华人民共和国主席、中央军委主席习近平做出指示，要求全力做好现场救援伤员救治、及时排查处置风险隐患、确保人民群众生命财产安全搭仔社会大局稳定。中共中央政治局常委、国务院总理李强做出批示。应急管理部、交通运输部咾啥个部门派出工作组赶到现场指导救援个生活。

5月6号，梅州市见义勇为评定委员会拟认定5名来勒事故发生以後帮忙救人搭仔拦车子哥群众见义勇为。

争议

2024年5月4号，中甲联赛第9轮大连英博坐镇主场0:1输畀广州队。比赛结束以後，部分大连极端球迷对比赛结果搭仔判罚弗满意，来勒球场里向堵牢、殴打广州队球员搭仔球迷，场外拦脱广州队球员个大巴，还来勒网丄向称赞箇趟事故“死得好”“压死猴子”“塌死广东人”咾啥，进行地域歧视，引起公众关注。后续有球迷报警，警方受理箇桩事体，相关人员畀警察拉去关仔两日天。