广州天河1·11驾车撞人事件

广州天河1·11驾车撞人事件,又叫广州天河驾车撞人事件,指个是勒拉2023年1月11号17点25分左右,勒拉中国广东省广州市天河区天河路、体育东路、天河南二路伊面一圈发生个一桩汽车多次故意撞人个事体[1][2]。事体发生个辰光正好是下班夜高峰,到1月11号夜头,已经造成5死13伤[3]。同年4月份,法院一审判肇事司机死刑[4]。6月份,法院二审判肇事人死刑[5]

广州天河1·11驾车撞人事件
第一趟搭第三趟撞人个路口
地点 中国 中华人民共和国广东省广州市天河区
天河路 一带
坐标 23°8′4.62″N 113°19′18.35″E
日期 2023年1月11号
17:25左右 (UTC+8
形式
车辆撞击攻击
武器 一辆黑色宝马X3
死亡 5人
受傷
13人

背景 编辑

事发个地方,天河区天河路附近,是广州蛮繁忙个商业区。事发个辰光亦正好是下班夜高峰,马路浪上街沿浪侪蛮狭个[6]

死伤顶顶严重个天河路-体育东路路口一直讲是“广州顶顶繁忙个四岔路口”,斑马线两面是万菱汇搭正佳广场两個商场。广州市政府勒拉2004年个辰光就计划拉此里起個过街隧道,拿路口个购物中心搭体育中心石牌桥两個地铁站连拉一道[7];必过箇个项目到最近纔开始实施,2021年开造[8]

事发经过 编辑

 
肇事车辆轨迹图

肇事车辆至少撞仔6趟人[9]

17点25分左右,肇事车子从天河路小转弯转进体育东路,箇段辰光伊撞翻多位正勒拉过马路个人,从伊拉身浪向轧过去;开进体育东路以后,伊勒拉天河南一路口撞翻一個人;再调头回转来,貤撞翻几個人;伊向东开进天河路,勒拉BRT石牌桥站附近撞翻脱几個外卖骑手搭踏脚踏车个人,箇个辰光警车已经跟拉伊屁股后头哉;伊后些来两趟小转弯分别开进天河东路、天河南二路,勒拉天河东路天河南二路路口貤撞翻一個人;开到天河南二路体育东路路口个辰光,因为路口上有多部脚踏车拿路封脱,伊撞拉一位想拿伊拦牢个踏摩托车个交警身浪。车子阿末开浪机动车道搭非机动车道当中个隔离栏,停仔下来[10][9] [11]

肇事人从车浪下来个辰光,往路上抛出交交关关人民币钞票,想逃出去,但畀现场个人捉牢[6]

事后 编辑

交通秩序 编辑

高德地图个实时路况显示,到1月11号18点30分,正佳广场附近个路还是堵唻要命[12]。19点20分,现场个交通秩序基本恢复[13]

死伤个人 编辑

广州警方勒拉1月11号夜头19点36分发通告,事故已经造成5死13伤[3]。死个人当中,顶小个只有6岁[14]。事故还造成29人轻伤或轻微伤[15]。一审个辰光表示,拢总造成6家头故脱,除开当场死脱个5个人,还有1位重伤员勒拉1月19号抢救无效死脱[14]

碰撞次序 碰撞地点 伤亡情况 信息来源
第一趟碰撞 天河路体育东路路口 下半天5点25分[3],多名行人被撞倒 [11]
第二趟碰撞 体育东路天河南一路路口 撞翻一位通過人行道个女倌 [11]
第三趟碰撞 天河路体育东路路口 下半天5点31分,撞翻多位行人 [11]
第四趟碰撞 天河路南面石牌桥公交站附近 下半天5点36分,撞倒3人,当中2個是外卖骑手,1個是踏共享脚踏车个人 [11]
第五趟碰撞 体育东路天河南二路路口 一名女子勒拉人行道浪畀撞翻 [11]
第六趟碰撞 体育东路天河南二路路口南侧 撞倒一名交警 [11]

调查 编辑

广州警方勒拉1月11号夜头19点36分发布通告,犯事体个司机温某(男,22岁,广东揭阳人)已经畀警方控制,事故正勒拉进一步调查处理当中[3]

红星新闻》联系到肇事人个爷。伊讲差弗多中午12点个辰光,肇事人讲要出去寻朋友,开车子跑哉[16]。伊爷娘讲,箇個小囡呒没犯过事,2021年大专毕业以后留校工作半年,后头就回来同爷娘一道开文具店[15]

1月14号夜头,广州市人民检察院发布通告,“广州天河『1·11』驾车撞人案”个犯罪嫌疑人温某,涉嫌“以危险方法危害公共安全罪”,畀批准抓脱[17]

审判 编辑

2023年4月18号,广东省广州市中级人民法院对肇事人温庆运以危险方法危害公共安全案进行公开审理。

一审个辰光,辩护人曾申请为伊做精神鉴定,弗过其屋里人表示呒没家族精神病史,箇個肇事人亦呒没去医院检查精神病个经历,故咾法庭驳回箇只申请。广州中院最终认为伊违反以危险方法危害公共安全罪,判处伊死刑、剥夺政治权利终身[18]。温庆运已就一审判决提出上诉[19]

2023年6月28号,广东省高级人民法院对温庆运以危险方法危害公共安全上诉案进行了公开审理。二审里向,温庆运表示伊撞人前自己“没有意识”“没有感觉”,感觉车子浪有怪物事咾啥个,旁听个伤人搭仔被害人家属听得唻又恹气又气唻啊噗啊噗个,有人直接拿鞋子厾过去[20]。阿末,省高院做出终审判决,裁定维持原判[5]

2024年1月,温庆运个辩护律师表示,勒拉最高人民法院死刑复核阶段,肇事人家属拿精神鉴定申请交畀最高院[20]


参考文献 编辑

  1. "廣州驚傳開車蓄意撞人 5死13傷" (in zh-tw). 奇摩新聞 (中央通訊社). 2023-01-11. Archived from the original on 2023-01-11. 
  2. May, Tiffany (2023-01-12). "廣州男子駕車衝撞碾壓行人致多人死傷" (in zh-hant). 紐約時報. Archived from the original on 2023-01-12. 
  3. 3.0 3.1 3.2 3.3 黄璐璐 (2023-01-11). "5死13伤!广州市中心发生一起交通事故". 央广网. Archived from the original on 2023-01-11. 
  4. "广州宝马撞人案司机一审被判死刑". 法治日报. 2023-04-20. Archived from the original on 2023-04-20. Retrieved 2023-04-20. 
  5. 5.0 5.1 赵青 (2023-06-28). "死刑,广州闹市驾车撞人案二审维持原判". 南方都市报. Archived from the original on 2023-06-28. Retrieved 2023-06-28. 
  6. 6.0 6.1 李毅达 (2023-01-11). "广州一小车碰撞行人已致5死13伤 目击者:黑色SUV在十字路口来回撞击". 红星新闻. Archived from the original on 2023-01-11. 
  7. 倪明 (2004-12-24). "广州整治天河商圈交通问题 三年后天河地区平均车速将提高30~40%". 广州日报. Archived from the original on 2023-01-12. 
  8. 全杰 (2021-08-27). "“广州最繁忙十字路口”将建地下人行道,有望连通地铁一号线". 广州日报. Archived from the original on 2022-11-24. 
  9. 9.0 9.1 杨峰 (2023-01-12). "6次碰撞!现场撒钱!还原广州天河交通事故6个瞬间". 封面新闻. Archived from the original on 2023-01-12. Retrieved 2023-01-12. 
  10. "廣州男駕寶馬故意撞人群 已致5死13傷". 星島頭條. 2023-01-11. Archived from the original on 2023-01-11. 
  11. 11.0 11.1 11.2 11.3 11.4 11.5 11.6 廣州BMW衝撞人群釀5死13傷 內媒還原6碰撞現場:車折返後又撞人. 香港01 (2023-01-12). 访问日脚2023-01-16.
  12. 杨峰; 郝莹; 张奕丹 (2023-01-11). "广州一黑色宝马冲撞人群致5死13伤 司机已被控制". 封面新闻. Retrieved 2023-01-11. 
  13. 魏星; 郑澍; 陈丽; 刘润泽. "广州天河区发生小轿车撞人事故 目前现场已基本恢复交通秩序". 央视新闻. Retrieved 2023-01-11. 
  14. 14.0 14.1 還原現場! 廣州車禍如同恐攻 男駕寶馬連6撞釀5死13傷 哭聲響徹半條街 (zh-tw) (2023-01-13). 访问日脚2023-01-16.
  15. 15.0 15.1 陈绪厚 (2023-05-12). "广州宝马撞人案判决书披露作案动机,被告人称案发前多次高速冲卡逃费". 澎湃新闻. Archived from the original on 2023-05-12. Retrieved 2023-05-12. 
  16. "广州一小车碰撞行人已致5死13伤 涉事司机父亲:事发前他曾说要去找朋友". 成都商报. 2023-01-12. Archived from the original on 2023-01-12. 
  17. 方伟彬 (2023-01-14). "广州驾车撞人致5死13伤的嫌犯温某被批准逮捕". 中国新闻网. Archived from the original on 2023-01-14. 
  18. 杜玮淦 (2023-04-18). "死刑!广州天河“1·11”驾车撞人案一审宣判". 南方日报. Archived from the original on 2023-04-18. 
  19. "不服死刑判决,“广州宝马撞人案”司机提起上诉". 扬子晚报. 2023-05-07. Archived from the original on 2023-05-13. Retrieved 2023-05-13. 
  20. 20.0 20.1 庄岸 (2024-01-12). "广州宝马撞人案正在死刑复核阶段,被告人家属向最高法申请精神鉴定". 澎湃新闻. Archived from the original on 2024-01-12. Retrieved 2024-01-14.