废藩置县

废藩置县(假名：はいはんちけん 罗马字：Haihan-chiken ）是1871年日本明治政府推出个新型行政方法，迭个方法，拿传统个大名制度废脱，设立新个地方政府，让伊拉直接畀中央管辖。

原因

1868年，德川幕府畀推翻，之后，明治天皇亲政，迭个事体就是明治维新。新个政府决定拿封建制度废脱，革新日本个政治制度。所以，执行迭个制度。

更迭

迭个事体发生之后，所有个老早地界侪经过交关年数个变迁，到1871年，全日本有72个县；到1888年，共有77个县，乃朝，全日本国畀分成47个一级行政区：一都（东京都）、一道（北海道）、二府（大阪府、京都府）替四十三个县，下头再设立市、町、村。