开明街鼠疫灾难

1940年（民国廿九年）10月份，第二次世界大战个辰光，日本对中国浙江鄞县城关镇开明街一带发动生物战，造成开明街鼠疫灾难，也叫宁波细菌战。箇趟袭击是日本陆军731部队同1644部队个联合行动，日本方面叫伊“杭州作战”，當中对宁波、衢州、杭州个攻击又叫“宁波作战”。作战飞机从杭州笕桥机场出发，空投小麦、六谷、棉布碎片搭仔装有鼠疫蚤虱个沙子。1940年9月份开始，宁波、衢州等地受到多种形式个细菌袭击，直到10月末空袭宁波以後才出现鼠疫流行个报道。

鼠疫暴发以後，鄞县当局来勒疫区周围竖起一道4.3米高个隔离墙，拿病人搭仔疑似感染者分类隔离开来，阿末再拿开明街一带烧脱来根除疾病。直到1960年代，箇片地方还叫“鼠疫场”。