弗朗茨·冯·帕鹏
弗朗茨·冯·帕鹏(德文:Franz von Papen)是二十世纪德国个一个政客。伊出身富商家庭，信奉天主教。立在1920年代之后，伊在魏玛共和国个政治场化开始活跃。到1920年代末，伊支持兴登堡参选魏玛共和国总统，之后获得兴登堡个信任。1930年代初，伊为达到自家控制国家个目的，自以为有手腕掌控极右翼纳粹党个老大希特拉，就劝兴登堡让希特拉做总理。之后，伊老快就失去对希特拉个控制，还反过来受到希特拉个监控。到1934年之后，伊就嘸啥实权哉，完全是纳粹装点门面个傀儡。二战结束之后个纽伦堡审判当中，伊也畀起诉，弗过最后因为伊呒参与大部分纳粹军事搭反人类活动，无罪释放，活到1969年才死脱。
