归德府

归德府，是近古辰光东亚大陆个大一统帝国当中存在过个一个行政单位，具体位置大概相当于乃朝个河南省商丘市。

归德府衙门

历史

归德个地区，在拉唐朝辰光，本生叫宋州。到宋代，因为名称叫做宋，个咾畀升格成功南京应天府。

改成功归德府是在拉女真人侵入之后，归在拉金帝国个南京路。下头管六个县：睢阳县（宋城县）、宁陵县、下邑县、虞城县、谷熟县、楚丘县。

元帝国阶段，归德府属于河南江北行省，明帝国建立之后，降归德府为归德州，隶开封府。

嘉靖廿四年（1545年）六月，又重新升级成功归德府。清帝国阶段也延续迭个级别；一直到1913年，畀中华民国废脱。