徐光启墓是明末大臣、学者、天主教教友领袖徐光启（1562年4月24号－1633年11月10号）搭伊部分亲属个墓地，垃拉中国上海徐家汇今光启公园北侧，占地3,000平方米，高2.2米，为椭圆形大墓。
崇祯七年（1634年）以一品官规格赐域赐葬，派专使护灵柩归葬上海；崇祯十四年（1641年）葬拉松江府上海县高昌乡二十八保六图西南角落头。光绪二十九年（1903年），伊畀天主教江南代牧区重修扩建。后些来一度畀荒废脱，变成功菜地；1957年个辰光重建过一埭。“文化大革命”个辰光，畀改造成露天仓库，后些来畀严重毁坏脱；1983年再次重修，2003年根据1903年个墓制又重修一埭。
