打开主菜单

维基百科 β

徐家匯日景
徐家匯夜景

徐家匯上海吳語國際音標表示爲[ʑìkᴀ̋ɦuᴇ᷆])是來勒東亞上海徐匯區个高知名度地區搭商業中心,可以泛指北到廣元路,東到宛平路、宛平南路,西到宜山北路,南到南丹路搭仔斜土路个地段。渠是上海个四大副中心交十大商圈之一。地區內弗單有大量經營奢侈品、中高檔服飾、電腦電子設備等產品个商店,也有得各種娛樂、餐飲行業商家。

乃朝个徐家匯商圈,弗單是一個高樓大廈鱗次櫛比,人來人往交關鬧猛个城市主要副中心,也是休閒娛樂、宗敎活動、美食林立、白領辦公搭觀光旅遊个主要場許。

目录

歷史编辑

 
1920年代个徐家匯

徐家匯个形成可上溯至明代。晚明著名科學家徐光啓曾勒箇𡍲建農莊別業,從事農業實驗並著書立說,過輩後就埋勒𡍲。伊個後輩勒此地繁衍生息,初名「徐家厙」,慢慢叫成爲集鎮。其地處蒲匯塘、肇嘉浜搭李漎涇三水匯合處,又因徐氏家族匯居於此,乃末勒康熙年間得名徐家匯[1]

徐家匯是上海天主敎發源地。1842年天主敎耶穌會重新來華後,勒1847年選中徐家匯建立江南傳敎區个總部,慢慢較建成包括大、小男修道院,2所女修道院(拯亡會搭聖衣會),藏書樓,氣象臺,土山灣印書館,男子中學,女子中學,育嬰堂等等一系列機構,形成一大片敎會區。以此爲基地,擔敎務開展到江蘇、安徽2省。1851年建立了一座公用个中型敎堂聖依納爵座堂,外形屬於希臘風格,可能是中國第一所西式敎堂。敎堂以耶穌會个創始人依納爵命名。乃朝看見个哥特式大敎堂來勒1906年—1910年建立,當時畀稱爲遠東第一天主敎堂,可以同時接納2,500名信徒。敎堂鐘樓高50多米,勒1920年代以前曾經是上海頂高个建築物。

敎會養大个大批孤兒,長大後交關定居勒南側个土山灣,告咾徐家匯一帶个人口也逐漸增加,形成集鎮。

1896年,盛宣懷勒徐家匯集鎮个北側,開辦了著名个南洋公學,即後首來个交通大學。法籍耶穌會士南格祿創辦个徐匯公學,天主敎徒馬相伯創辦个天主敎震旦大學个初期校址,也儕勒拉徐家匯。

1860年代太平天國戰爭期間,英法兩國租界分別修築仔通往徐家匯个越界築路,後來命名爲海格路搭徐家匯路,即今朝个華山路搭肇嘉浜路。1908年,勒拉大敎堂修築期間,法國商人開通從上海法租界經過寶昌路(幾年後改名霞飛路)搭姚主敎路(天平路)直抵徐家匯个有軌電車線路。1914年,上海法租界大擴展,西面个界限一直到徐家匯个東側。敎會區仍屬於華界。新擴展个法新租界地區隔手建成上海主要个高級住宅區,又新開闢了一條直通徐家匯个景色優美个林蔭大道貝當路。兩者之間形成重要个交通樞紐。店鋪也開始增多,慢慢較發展成城市。之後勒1921年,東方百代購下徐家匯路1434號地皮(現徐匯區衡山路811號,徐家匯公園內)設立唱片製造公司,建起上海第一座錄音棚——現百代公司舊址[2]

1978年徐光啓墓地重辟爲南丹公園,並勒1983年徐光啓逝世350周年個辰光,改名爲光啓公園[2]。八十年代以後,徐家匯个高樓大廈開始增多,1991到1992年,匯聯百貨搭東方商廈先後開業[2],是徐家匯商圈乃朝尚存个商場裏向較早開業个百貨公司。原徐家匯天主堂前个西區長途汽車站也畀拆脫。1997年,美羅城勒原先徐匯劇場个土地上建成營業。1999年,港匯廣場建成啓用[2]。隨著進年个發展,徐家匯已經成爲仔上海一個重要个商業中心搭文化重鎮。

現狀编辑

商業编辑

 
徐家匯商業區
 
夜到个徐家匯
 
徐家匯个高樓群

徐家匯个商業主要以名牌服飾、奢侈品搭仔電腦、數碼產品爲主,整個商業區个格調趨向於高端化。徐家匯个主流消費人群是白領、年輕人、電子商品愛好者搭仔遊客。勒服飾、奢侈品方面,徐家匯擁有東方商廈、港匯廣場、太平洋百貨、匯金百貨等高端品牌,而勒一般个服飾方面則有匯聯百貨、市六百貨等等。徐家匯个服裝價格普遍偏高,主要面向消費水準較高个消費者,同時吸引着來上海進行購物遊个一排外地遊客。

徐家匯另一大消費特色便是鬧猛个電子產品市場,箇𡍲坐落著太平洋數碼廣場、百腦匯、中國大陸第一家百思買搭仔弗得了手機連鎖市場。蠻多上海市民勒購買手機、電腦、彩電等電子產品个辰光經常會光顧徐家匯,外加,搭徐家匯勒服裝產品方面較爲高端个定位不同,徐家匯个電子市場一直以優惠个價格吸引著眾多消費者。

娛樂编辑

徐家匯个娛樂也是屬於整個上海市較爲高端个水準,勒徐家匯个中心區域就坐落著三家電影院,包括兩家五星級影院——永華電影城搭仔柯達電影世界外加中共建政後个第一家電影院——衡山電影院,其建立於1951年[3]。同時還擁有幾座大型个遊藝場所、健身中心等。

公園编辑

徐家匯地區个主幹道肇嘉浜路是通過填河而行成个。爲仔改善徐家匯地區環境,徐匯區於2000年開始建設徐家匯公園,直至2003年竣工,其規模龐大,保留了橡膠廠煙囪、唱片廠辦公樓,園中小橋流水。公園个設計佈局按上海版圖形狀進行模仿,並有近200米長个天橋貫通[4]。目前交關老建築已經成爲了高檔消費場所,供顧客勒其中品茶賞園。

旅遊编辑

徐家匯作爲一個歷史悠久个地區,旅遊資源也慢慢較開發出來。2012年,徐家匯个“徐家匯源”景區畀批准爲國家4A級旅遊景區,成爲上海頭一個開放型都市旅遊景區[5]。徐家匯源共總有14個景點,包括像徐家匯藏書樓一類个歷史建築也包括像錢學森圖書館搭董浩雲航運博物館一類个展覽博物館。景區採取“預約參觀”模式,參觀者可勒景區遊客中心免費領取“徐家匯源景區旅遊聯票”[5]。2013年12月8號,徐家匯觀象臺也開始開放參觀[6]。徐家匯源遊客中心來勒漕溪北路90號,景區由上海徐家匯源旅遊發展有限公司負責管理。

有名个建築编辑

徐家匯是一個可以幫助人老好瞭解上海个過去、現在搭將來个一個場許,大批弗同年代、弗同風格个建築物比鄰而立。

1949年之前编辑

1990年以後编辑

  • 港匯廣場
  • 美羅城
  • 匯聯商廈
  • 建國賓館
  • 聖愛廣場
  • 上海實業大廈
  • 徐家匯中心

參見编辑

參攷文獻编辑

外部鏈接编辑