德累斯顿

德累斯顿（德文：Dresden）是欧洲大陆中部个一个城市，历史上历来是萨克森地区个中心。先后充当过萨克森选侯国搭萨克森王国个首府。乃朝，是萨克森州个首府。迭个城市立在17世纪文化邪气发达，有易北河浪翡冷翠个美誉。到19世纪开始，成为德国东部一个工业中心。1945年2月，遭到二战盟军个大轰炸，城市古迹损毁严重。冷战辰光，德累斯顿成为东德一部分，冷战结束后，德国统一，德累斯顿也成为东德少数发展比较快个城市。乃朝，有人口将近60万，2014年年底开始个右翼民粹运动PEIGDA，也以德累斯顿作为伊拉个中心。