拿破仑三世
拿破仑三世(法文：Napoleon III，全名：Louis-Napoléon Bonaparte，1808年4月20号-1873年1月9号），是19世纪法国个第一个民选总统搭法兰西第二帝国个皇帝。
家族
编辑伊来自波拿巴家族，爷叔是拿破仑一世，爸爸是拿破仑一世个阿弟路易·波拿巴，伊是自家爸爸个小儿子。拿破仑二世算是伊个堂弟。
家族关系
编辑- 拿破仑·路易·波拿巴： 自家个阿哥，1815年之后长期从事复辟活动。
- 路易·波拿巴：阿爸，也是拿破仑扶持个傀儡荷兰国王。
- 拿破仑一世：爷叔。
生平
编辑拿破仑三世立在路易十八复辟之后常年从事颠覆活动，同时写文章吹捧自家个优越，到1848年，七月王朝覆灭，伊趁机返回法国，依靠自家爷叔个声望，获得当年总统选举个胜利，之后，又制造民意，1852年通过所谓公投，让自家成为皇帝。伊建立个法兰西第二帝国是一个典型帝国主义国家，鼓吹所谓拉丁民族，干涉墨西哥、意大利、德意志等地区个事体，并通过参与克里木战争，重新让法国回到欧洲政治个中心。同时拿破仑三世也欢喜搞花头，为讨好民众并防范暴民作乱，伊委托奥斯曼男爵对巴黎进行改造，基本奠定乃朝巴黎个城市格局。伊对意大利个干涉基本成功，弗过对德意志个干涉基本畀普鲁士王国个首相俾斯麦白相来白相去，1870年，伊主动对普鲁士宣战，引发普法战争，之后，彻底失败，自家竟然畀普鲁士人俘虏，个能，法兰西第二帝国灭亡，伊全家流亡到英国去，之后拿破仑家族个复辟梦想就呒再实现可能哉。