捧景配启（拳手）
（从捧景配启 (拳手)转戳到箇里）
捧景配启（泰文：โผน กิ่งเพชร，英文：Pone Kingpetch，原先渠个名称是：马那·西多伐，มานะ สีดอกบวบ，1935年2月12号—1982年）伊是泰王国第一个世界拳王，勒班武里府华欣出生。年轻个辰光，伊居勒勒曼谷个隆宾尼拳场学习拳术，得到名师指点，进步交关快，19岁辰光得到泰国青年拳击冠军，1960年伊25岁，头一趟挑战世界次轻量级冠军阿根廷个白斯古亚勒 別列斯（Pascual Pérez）就以点数击败对手，得仔次轻量级拳王个金腰带，后头又三次对阵日本拳手原田政彦，伊初战失利，不过呒拨丧气，再战击倒对手，三战又以点数击败对手卫冕成功，该歇辰光勒拳坛浪拨传作佳话。
勒1965年，伊正式挂起拳套，告別仔职业选手个生涯，开办武术馆教徒弟，培育仔一星泰国年轻个国家拳击手。不料勒1982年伊英年早逝勒勒曼谷，仅有47岁。伊家乡里向人人侪晓得伊个大名，乃歇勒华欣市市中心有一过「捧景配启公园」，公园里向顶顶显眼地方就是伊个纪念碑，上头有个铜像表现伊比赛得胜后交关兴奋，振臂高呼，激励仔后人好要为国争光。
