梅瑟

摩西（希伯來語：מֹשֶׁה），天主教稱爲梅瑟，唐朝景教稱爲牟世法王，伊斯蘭教稱爲穆撒，是在旧约圣经个出埃及记等书裏向所记载个公元前13世纪辰光犹太人个民族领袖。史學界認爲佢是猶太教个創始者。佢在亚伯拉罕诸教（犹太教、基督教、伊斯兰教）裏儕畀认为佢是极为重要个先知。按照以色列人个传承，摩西五经便是由其所著。

米開朗基羅製作个摩西个塑像

按照出埃及记个记载，摩西受天主雅威（Yehoweh）之命，率领畀奴役个希伯来人离開古埃及前往一块富饶个应许之地。11天个路程因爲以色列民个頑梗、悖逆弗相信上帝會幫助佢拉，乃末经历40多年个艰难跋涉，纔進入應許之地。但摩西因在加底斯巴尼亞以色列民因嘸沒水喝向摩西爭鬧，摩西因情急嘸沒遵從上帝个命令，話仔急燥个言話，葛咾上帝弗讓摩西跟著以色列人進入應許之地。在摩西个带领下，希伯来人摆脱了奴役个悲惨生活，学会遵守犹太十诫，并成为历史上首支尊奉单一神宗教个民族。

摩西是公元前13世纪个犹太人先知，旧约圣经前五本书个执笔者。带领在埃及过著奴隶生活个以色列人。到达神所预备个流著奶搭仔蜜之地－－迦南（巴勒斯坦个古地名，垃今朝约旦河与死海个西岸一带)，神藉著摩西写下《十诫》畀佢个子民遵守，并建造会幕，教导佢个子民敬拜佢。

聖經記載

家庭背景搭杀婴事件

摩西一来到人世，死亡个阴影就笼罩著佢。佢个族人本来过著游牧个生活，由於家乡闹饥荒，祖宗雅各就带著家人移居埃及。几十年来，以色列人过著安乐个日子，跟埃及人互弗相干。可惜好景弗常，祸患将至。一部甚具权威个史书记载：“伊歇有一個……新王兴起，治理埃及。佢对自家个人民話：‘㑚看，以色列人又多又强，胜过我伲哉。来，我伲要用巧计对付佢拉，免得佢拉多起来。’”埃及人想出“用苛暴个手段奴役以色列人”，又命希伯来个接生妇杀脫所有男婴，控制佢拉个人口。但接生妇勇抗王命，以色列人继续增多。法老乃末敕令：“凡初生个男孩，㑚都要扔进尼罗河里。”

伊歇，以色列有一对夫妇，暗兰搭约基别，“弗怕王命”。（希伯来书11：23）妻子约基别生下一個儿子，昰個儿子“在上帝眼中极美”。夫妇俩作興看出儿子得蒙上帝恩宠。但弗管如然，佢拉宁愿冒险但儿子匿囥，也弗肯交畀法老处死。

三個月後，小囡再也囥弗牢了。在别无选择个情况下頭，摩西个父母决计采取行动。约基别擔婴孩放进一隻用纸莎草做个箱子里，让箱子浮垃尼罗河丄。约基别没料到佢昰然一擺，竟擔自家个儿子擺到影响历史发展个长河里。

「後來弗能再囥，就取了一個蒲草箱，抹上石漆搭柏油，擔小囡擺垃裏向，擔箱子擺垃河邊个蘆荻中。」出埃及記2:3 和合本翻譯。 更正以上內容，朆擔摩西漂浮在尼羅河上。

贵为王室成员

约基别嘸沒听其自然，任凭机遇决定儿子个将来。佢擔箱子“擺垃尼罗河边个芦苇丛中”，作興法老个女儿（哈特谢普苏特）常莊到河边汏浴，约基别希望箱子会得垃昰𡍲畀人發覺。 法老个女儿老快就發覺芦苇丛中个箱子。“佢打开箱子，看到了小囡，见男孩垃拉哭。佢話：‘佢是個希伯来人个小囡。’虽然昰然，佢还是怜悯小囡。”埃及公主决定收养昰個婴儿。佢亲生父母原本畀佢起个名字，已弗为人知了。今朝嚜，普天下人衹曉得佢养母取名摩西畀佢。

埃及人相信，衹有慈悲为怀，广行善事个人，死後纔可进入天堂。关於埃及公主收养摩西个事體，考古学家霍伊塞·蒂尔斯利评论：“埃及妇女获得了跟男子平等个地位。至少理论丄向咾，佢拉在法律上搭经济丄享有平等机会。……妇女有权收养子女。”古代纸莎草纸收养子女文件，记载著一個埃及妇女收养了自家个奴隶。至於雇用摩西个母亲做乳母，《综合圣经辞典》裏向江：“雇用摩西个生母来乳养佢，跟美索弗达米亚人收养子女个合约安排相似。”

根据圣经，摩西个姐姐米利暗聪明机智，安排了摩西个生母约基别来乳养佢。约基别敬畏上帝，所以擔真相話許摩西。在古代，小囡个哺乳期通常长达几年，所以约基别有充分时间教导摩西认识“亚伯拉罕个上帝，以撒个上帝，雅各个上帝”。昰個良好个基础日後证明对摩西大有帮助，因为佢做了法老女儿个儿子之後，“就学仔埃及人个一切智慧”。历史学家约瑟夫斯声称，摩西在埃塞俄比亚战役中晋升为将领，昰樁事體无从考证。可是，圣经个确说摩西“講言话做事體儕大有能力”。

到40岁个时候，摩西可能已成竹在胸，等候担当要职。衹要佢效忠法老，荣华富贵就唾手可得。可是，昰时却发生了一樁事體，改写了佢个一生。

逃到米甸

一天，摩西“看见一個埃及人打佢个希伯来弟兄”。多年来，無论在希伯来人社会，还是在埃及人社会，摩西都儕尽各种利益。但昰歇看见一個以色列同胞受人殴打，命悬一线，佢弗得弗作出抉择，而佢个抉择叫人大感意外。（出埃及记2：11个记载佢“弗肯称为法老女儿个儿子，宁愿选择与上帝个子民同受虐待”。

摩西“擔伊個埃及人杀脫，囥垃沙裏”。佢个抉择使佢踏上弗归路。一個批评家认为摩西之所以杀人，是因为佢“怒从心上起”，拥护者声称摩西个行动尽管有错，但佢是怀著信心行事个，佢曉得上帝个应许，深信上帝会拯救以色列人脱离埃及个奴役。作興摩西天真个以为，自家个行动能激励同胞反抗埃及。但是，同胞拒绝摩西做民族领袖，令佢大感失望。摩西杀脫埃及人个消息传到法老耳朵裏向之後，佢就畀迫逃亡。佢在米甸定居下来，娶了游牧民族首领叶忒罗个女儿西坡拉为妻。

摩西想拯救同胞个希望粉碎脫哉。在接著四十年裏向，佢过著简朴个生活，放牧度日。一日，佢放牧叶忒罗个羊群，擔羊赶到何烈山附近。就在伊𡍲，耶和华个天使在燃烧著个荆棘丛中显现。当时个情景：上帝吩咐摩西講，“擔我个子民以色列人从埃及领出来”。但昰歇个摩西缺乏自信，自家觉著弗能胜任。佢哀求上帝話：“我算啥？我如然去见法老，擔以色列人从埃及领出来呢？”佢甚至擔自身个缺点講出来。电影制作人把摩西写成功一代英雄，往往弗提佢个弱点；原来摩西口齿弗伶俐，有德严重个语言障碍，并非像神话传说中个英明神武。四十年个牧畜生涯，擔佢磨炼成谦和个人。虽然摩西自觉力有弗逮，但上帝深信佢是领导以色列个最佳人选。

得救离开埃及

摩西离开米甸後，就入宫晋见法老，要求佢释放上帝个子民。由於法老心里刚硬，上帝就降下來十场灾难，震撼埃及。此前个灾祸降临，法老儕无动於衷；即使害怕，也未答应让摩西带同以色列人离去，但灾祸离去後，法老又反悔。终於在第十场灾难重击之下，埃及个一切头生个，包括人及家畜全都死去。法老悲痛欲绝，终於容许以色列人离去。（出埃及记5-13章） 可是法老後来却後悔放走以色列人。乃末听说以色列人垃旷野迷路个辰光咾，就从後追赶，要擔以色列人捉回來。圣经中摩西带领以色列人到红海，向海伸出手杖，红海便分开一条道路，摩西便带领以色列民行走昰条路逃离脫埃及人个追捕。当埃及人入水个辰光，亞哈威就擔红海个海水回复，使埃及人畀淹煞垃紅海裏向。

史實性

儘管昰段傳奇个細節目前還缺乏史料佐證，但昰個時期希伯來人流入埃及卻大致符合史實。在古埃及个歷史裏向，中王國時期搭新王國時期中間有隻「第二中間期」，約當在公元前十七搭十六世紀時，埃及北部畀從西亞來个外來民族喜克索斯人(Hyksos)所佔領，建立起第十五王朝，埃及人乃末在南方个底比斯建立偏安个第十六王朝，並且臣服於喜克索斯人，埃及个居民在隨後个底比斯政權第十七王朝後期發動對喜克索斯人个抗戰，最後埃及人反攻勝利，建立統一个第十八王朝，並逐漸擔喜克索斯人逐出埃及。喜克索斯人是閃族个一支，同爲閃族个猶太人隨喜克索斯人及其佢閃族游牧部落入侵埃及（大约在公元前1800至前1540年期间，亚洲西部说闪族语个人移居埃及。及古物学家詹姆斯·霍夫迈尔在《寄居埃及个以色列人》一书中说：“考古学资料清楚表明，埃及是黎凡特人（来自靠近地中海东部地区个国家）常去个国家，尤其在气候反常，发生旱灾个辰光，黎凡特人就迁移到埃及去。），擔任第十五王朝个統治階層，後來也一起畀逐出埃及。有人直接認定喜克索斯人就是猶太人，認爲「出埃及」个神話故事，實際丄是猶太人在埃及失勢後離開埃及个史事演變而成。

《摩西个生平事迹》说：“埃及一幅古墓壁画，经常畀人复制，画中描写一群奴隶造泥砖时个情景，用笔工细，可作为以色列人曾在埃及受苦昰個圣经记载个有力佐证。”然而一幅壁畫，如何能成爲以色列人曾居住在埃及个強力證據，弗無疑問，其根據何在，書裏並朆提及歇。

关於约基别用个箱子，圣经个描述也准确无误。经文話箱子是用纸莎草造个；纸莎草做箱子是老合适个，《库克（圣经评注）》指出“埃及人常用纸莎草来造轻快个小舟”。

以摩西（梅瑟）爲主題个電影

• 《十诫》（1923年無聲电影，西塞·狄米爾（Cecil B. DeMille）執導）
• 《十诫》（1956年电影，西塞·狄米爾執導）
• 《埃及王子》（The Prince of Egypt，夢工廠1998年动画电影）
• 《十诫》（The Ten Commandments，2007年3D动画电影）
• 《方舟展覽》（Ark Exhibition，Noah's Ark Theme Park, Ma Wan, Hong Kong 香港馬灣挪亞方舟主題公園)
• 《出埃及記：天地王者》（Exodus: Gods and Kings，2014年3D电影，雷利·史考特執導）