新大越黨

新大越黨（越南閒話：Đảng Tân Đại Việt）是1964年從大越國民黨裏向分出來個一隻政治黨派。搭大越國民黨一樣，箇隻黨派個理論基礎是民族生存主義。

新大越黨黨旗

歷史

1963年吳廷琰總統畀人推翻了之後，各種反對黨，包括大越國民黨（下腳簡稱大越黨），重返開始活躍。但是，大越黨個領導人當中出現了結棍個分化，黨個中央在1964年之後就因爲內部分歧，弗再開會哉。

分歧個主要原因是鬥爭路線個弗同。阮玉輝主張放棄武裝革命個方式，通過選舉個溫和方式。

1964年11月14號，一星大越黨黨員（主要是南圻六省地區個年紀輕個），聚到一淘來，成立了一隻叫新大越黨個新個政黨。新大越黨個黨旗搭大越革命黨差弗多，但是有在紅顏色個背景當中加了條黃顏色個帶子。箇隻黨派個領袖是阮玉輝，但是渠個職務是總祕書，當頭一個黨主席個人是潘通草。阮玉輝還是巴黎和談個辰光越南共和國代表團個成員。