方济各·德·上达武

方济各·德·上达武(西文：Francisco de Sandoval，1553年-1625年5月17号），初代利马公爵，第五代德尼亚男爵。是17世纪前半段西班牙王国有名个贵族搭政治人物。伊出身卡斯蒂亚王国个显赫家族，先祖参加过对回教区域个再征服运动。上达武从小立在菲利佩二世个宫廷接受教育并学习执政技巧。并搭费利佩二世个王太子建立良好关系。1598年王太子即位之后，老快就委任伊瓦力笃个职位。从此开始伊廿年个滥权辰光。1599年受封利马公爵，1601年劝服费利佩三世拿王宫从马德里迁移到巴拉多利德。因为费利佩三世对国家事体兴趣弗是老大，伊经常直接搭外国使节直接对话，别个国家也晓得，伊实际浪掌握西班牙个国家权力。利马公爵欢喜赞助艺术活动，自家贪污腐败也蛮严重。伊引领个风气，让本身有效率个西班牙宫廷开始纪律败坏。除脱迭个之外，西班牙个财政也朆有啥好转，立在17世纪开始辰光破产好几趟。