日本自民党

自由民主党（假名：じゆうみんしゅとう)是日本个一个政治团体，为避免混淆，一般称呼伊拉叫日本自民党。是第二次世界大战之后日本顶顶大搭顶顶成功个政党。迭个党派是1950年代初，为抵抗日本社会党个崛起，立在美国安排下拿老早个自由党搭民主党合并起来个。囊括老多旧贵族、财阀、官僚集团，是日本保守主义个代表。从1955年开始，自民党立在绝大多数辰光当中一直是执政党（只有1990年代初搭2000年代挨末阶段丧失执政权力）。乃朝个日本首相安倍晋三也是来自自民党。