日食
日食，也寫成功「日蝕」，是一种天文現象，月球跑到仔太陽搭地球當中就會得發生。該歇辰光，對地球浪一部分地區來講，月球勒太陽個前頭，所以太陽過來個一部分或者全部光線畀遮脫，看起來像煞太陽個一部分或者全部弗見脫哉。日食只有勒朔，也就是月球搭太陽勒合個狀態辰光纔會得發生。
|
 
|
日食分成功三種，包括日全食、日環食、日偏食，其中顶難出現個是全環食，只有地球表面搭月球本影尖端靠得交關近個辰光纔出現，該歇辰光弗一樣個場化會得有日偏食、日全食搭日環食三種弗一樣個日食。日全食是一種交關壯麗個自然景象，所以經常吸引遊客搭天文愛好者特為跑到世界各地去觀賞。譬方歐洲個1999年8月11號日食，是20世紀看個人頂多個日全食。