舊館街道

舊館街道，是吳越浙江省湖州市南潯區个一隻街道。

歷史

1956年，新興搭羅漢兩鄉合併建立塘南鄉。1958年，雙林鎮搭鎮西咾、塘南咾、苕南咾、莫蓉咾、重兆咾介五隻鄉合併建立雙林公社，元來塘南鄉个地方基本丄有拉新興搭羅漢兩隻管理區，北港村歸松亭管理區、竹壩橋村歸重兆管理區。1961年5月份，公社規模調整，設立塘南公社。1984年2月份，改成塘南鄉。1993年11月份塘南鄉改名舊館鎮。2000年，舊館咾、廟岐山咾、曬甲兜咾介三隻村坊劃畀織里鎮管。2003年1月11日，舊館鎮改歸南潯區管。2021年，撤銷舊館鎮，成立南潯區舊館街道；街道辦事處駐地從塘南村共富路87號搬到潘家莊村頔南路8號。

行政區劃

舊館街道下底有十二隻行政村：祝良、羅漢、麒麟、塘南、寺橋、北港、潘家莊、載旺、三橋、光明、港胡搭新興港，還有一隻大洋社區，亨孛冷打198隻村民小組。